Познат идентитот на напаѓачот од Шанзелизе

Познат идентитот на напаѓачот од Шанзелизе

Извршителот на синоќашниот напад на париската авенија Шанзелизе, е идентификуван како 39-годишниот Карим Шеруфи, кој живеел во Ливри-Гарган во Сен Сан Дени во парискиот регион, објави парискиот весник „Ле Монд“.

Како јави дописникот на МИА од Париз, француската полиција привела тројца блиски на извршителот на нападот, при кој беше убиен еден полицаец. Сите тројца биле дел од кругот во кој се движел убиецот, кој бепе застрелан од полицијата на Елисејските Полиња. Притворените се наоѓале во станот во кој полицијата ноќеска извршила претресе набрзо по нападот.

Одговрноста за нападот офиицјално презеде групата Исламска држава (ИД).

Француските медиуми тврдат дека Карим Шеруфи од претходно им бил познат на полициските служби, како лице кое манифестирало насилство кон полицијата.

Карим Шеруфи во 2003 година имал сообраќајка со украдени возило во Руаси ен Бри Сен е Марн, кога удрил во друг автомобил во кој се наоѓал еден полицаец и неговиот помлад брат. Шеруфи се дал во бегство со автомобилот, по што полицаецот тргнал по него. Кога возилото на полицецот се доближило до автомобилот, Шеруфи стрелал кон него и ги ранил полицаецот и неговиот брат. Иако веднаш по ова побегнал, Шеруфи набрзо бил уапсен и му бил одреден притвор.

Два дена по инцидентот, Шеруфи повикал полицаец во притвирската ќелија, успеал да му го одземе пиштолот и неколку пати стрелал во него. Полицаецот бил тешко ранет, но успеал да го активира алармот.

По овие инциденти тој истата година е осуден за обиди за убиство на 20 години затвор, но по жалбата, во 2005 година казната му е намалена на 15 години. По отслужувањето на казната, која во меѓувреме ну е скратена, Шеруфи почнал да продава облека на пазарот во Шеле Се е Марн.

Неговата радикалзиација не била забележена претходно, освен одредени закани кон силите на редот. При претресот во неговиот дом билие пронјадени „елементи на радикализација“, потврдуваат полициски извори за француските медиуми.

Поврзани вести

Експерти: Светот има само три години за да го спас... Светот има само три години за да ги намали емисиите на јаглерод диоксид пред да стане предоцна, предупредува група климатолози и научници, јави ДПА. ...
Путин: Странски разузнавачки служби се обидуваат д... Рускиот претседател Владимир Путин ги критикуваше обидите да се влијае на општествено-политичкиот живот во Русија, кои според него, се вршат од страна...
Северна Кореја: Ќе ја погубиме поранешната претсед... Северна Кореја денеска соопшти дека се обврзува дека ќе ги погуби поранешната претседателка на Јужна Кореја Парк Гуен-хе и шефот на јужнокорејската ра...
Билансот на жртвите во лондонскиот пожар нема да б... Конечниот биланс на загинатите во катастрофалниот пожар во лондонската станбена повеќекатница „Гренфил Тауер“ нема да може да биде познат „барем до кр...
Трамп ја прифати поканата на Макрон да присуствува... Американскиот претседател Доналд Трамп ја прифати поканата на францускиот претседател Емануал Макрон да присуствва на одбележувањето на Денот на падот...
Меркел: Иднината на 27-те земји од ЕУ е приоритет ... Германија и другите земји од ЕУ ќе ги водат преговорите за излегување на Велика Британија од Унијата во атмосфера на пријателство, но сепак, приоритет...