ДС: Разумно и одговорно однесување и деблокада на државата

ДС: Разумно и одговорно однесување и деблокада на државата

„Демократскиот сојуз повикува на разумно и одговорно однесување и деблокада на државата.

Граѓаните на Македонија не можат и натаму да седат со скрстени раце и да гледаат како државата се раслојува и распаѓа, а паралелно се вршат “подготовки” од самопрогласените патриоти за чистка од “предавниците”.

Сценаријата кои се кројат во главите на болни умови, треба јавно да се објават и жигосаат и сите заедно да спречиме братоубиствен расплет на нашата- македонска криза.

Секој граѓанин има одговорност и обврска да ги афирмира, почитува и брани цивилизациските вредности, да ги респектира различностите и да ја чува сопствената држава.

Повеќе од јасно е дека само 67-те пратеници не можат да обезбедат мирен, демократски и уставен трансфер на власта, ниту пак тоа можат да го овозможат партиите кои се за промени и формирање на нова- реформска Влада.

Потребна е граѓанска гласност и силна поддршка и затоа секој од нас треба да го каже својот став.

Молкот и тишината се победа на криминалните структури, победа на тие што плукаат, ѕвечкаат со оружје под појасите и јавно се закануваат.
Санкциите кои ги најавува меѓународната заедница спрема опструкторите на демократските промени, но и против државата, во крајна линија како казна и на граѓаните, ќе ги продлабочат разликите, а излезот ќе биде посложен, потежок и неизвесен.

Затоа треба освестување и граѓанска реакција, кризата мораме ние да ја решиме и тоа веднаш.

Има многу можности да се искаже демократската определба за промени. За почеток, треба секој да објави свој став на социјалните мрежи, коментар на порталите, да разговара со своите колеги, пријатели, соседи и сл. Можеме на мирен и демократски начин да го запреме лудилото и направиме крупен чекор кон мирна разврска.

Да го победиме стравот за да ја сочуваме демократијата и Република Македонија“, се вели во соопштението на Демократскиот сојуз.

Поврзани вести

Посебен сообраќаен режим за натпреварот Вардар ... Посебен сообраќаен режим најавува СВР за вечерашниот натпревар Вардар - Фрнербахче што ќе се одигра на националната арена „Филип Втори Македонски” од ...
Во Скопје 11 сообраќајки за 24 часа... Вкупно 11 сообраќајни незгоди се случиле изминатите 24 часа во Скопје. Од нив четири со последица материјална штета, а седум со телесни повреди во кои...
ВМРО-ДПМНЕ: Каде отидоа парите од девизните резерв... „Каде отидоа парите од девизните резерви? Ова прашање тежи над 126 милиони евра. СДС ја третира државната каса како бунар без дно! Пари...
Земи кредит без камата – проверивме и навистина е ... Кога парите се во прашање - се мора да биде јасно. Без никакви изненадувања. Каматата и останатите трошоци за кредитот можат да направат огромна ра...
Почнува пријавувањето за упис на УКИМ... На Универзитетот „Св. Кирил и Методиј“-Скопје денеска и утре е пријавувањето за упис во прва година во академската 2017/2018 година. Според Конкур...
Музејска изложба „25 години Армија на Република Ма... Министерката за одбрана Радмила Шекеринска денеска ќе ја отвори музејската изложба „25 години Армија на Република Македонија“ по повод 18 август - Ден...