Дачиќ: Албанците треба добро да ги одмерат своите зборови

Дачиќ: Албанците треба добро да ги одмерат своите зборови

Албанските политичари станаа закана за мирот и стабилноста на Балканот и Европа, оцени српскиот вицепремиер и министер за надворешни работи Ивица Дачиќ, коментирајќи ги изјавите за можно обединување на Албанија и Косово.

– Албанците би требало добро да ги одмерат своите зборови, бидејќи на меѓународната сцена веќе ги нема нивните заштитници, кои ја бомбардираа Србија, за да и го одземат Косово. Тоа нема да се повтори никогаш повеќе, рече Дачиќ.

Според Дачиќ, како што јави Танјуг, „координиратите изјави“ на албанскиот премиер Еди Рама, косовскиот претседател Хашим Тачи и претстедателот на Националниот совет на албанското малцинство во Србија, Јонуз Муслиу, покажуаат дека „Голема Албанија е цел на сите Албанци“. – Муслиу кон неа го придодаде и Ниш, а утре ќе ги додаде и Скопје и Улцињ и Епир, нагласи Дачиќ.

Тој истакна дека Србија не провоцира никого, но исто така и не стравува од никого.

Дачиќ праша дали ЕУ, САД и Велика Британија ќе реагираат на ваквата ситуација. – Доколку не го сторат тоа сега, кога Голема Албанија ќе стигне до Ниш ќе бидат директно одговорни за последиците, предупреди тој.

– Она за што зборуваат албанските политичари за среќа е само мечта. Но, искуството не учи колку е кус патот од мечтата до кошмарот, додаде српскиот министер за надворешни работи.

Муслиу, кој е и градоначалник на општина Бујановац, вчера изјави дека официјална Тирана „ја има неговата целосна поддршка за обединување на Албанија и Косово, доколку не бидат примени во ЕУ, но не и без Прешево“.

Тој смета дека „без Ниш нема да има Голема Албанија“ и додаде дека Хашим Тачи и Еди Рама имаат морална должност во тоа „обединување“ да го вклучат и реонот на Прешево, Медвеѓа и Бујановац, кој го нарече „источно Косово“, бидејќи во спротивно ќе извршат „национално предавство“.

– Без Ниш тоа нема да биде Голема Албанија и Србија треба дури да ни биде благодарна дека Албанците сакаат обединување само на Албанија, Косово и Прешевската Долина, додаде градоначалникот на Бујановац.

Поврзани вести

Ји ги осуди повиците за Голема Албанија, ги смета ... Американскиот заменик помошник државен секретар за европски и евроазиски прашања Хојт Ји ги отфрли изјавите и повиците на балканските политичари за со...
Мустафа до Могерини: Косово е посветено на ЕУ инте... Косовскиот премиер во заминување Иса Мустафа тврди дека ја уверил високата претставничка на Европската унија за надворешна политика и безбедност Федер...
Марковиќ: Продолжувањето на ЕУ интеграциите со еде... Црна Гора го продолжува процесот на европски интеграции, со посилен капацитет како членка на НАТО, изјави црногорскиот премиер Душко Марковиќ, на сост...
Во Грција запленет трговски брод со експлозиви... Грчките пристанишни власти заплениле трговски брод со експлозиви. Бродот од Турција пловел за Судан, јави весникот „Етнос“. Бродот „Меконг спирит“...
Албанија ја напуштаат приближно онолку лекари колк... Во последните две години Албанија ја напуштаат прближно онолку лекари колку што дипломираат. Овој алармантен податок го изнесе Ректорот на Универзитет...
Албанските емигранти за десет години испратиле сед... Депозитите на албанските емигранти, кои главно работат во еврозоната, остануваат значаен избор на приходи за економијата на Албанија. - Официјалнит...