Готвењето за други позитивно влијае на психата и ја развива креативноста

Готвењето за други позитивно влијае на психата и ја развива креативноста

Луѓето кои сакаат да готват измислуваат какви било причини поради кои би ги загреале своите шпорети.

Правењето торта за нечиј роденден, колачи за прослава на празник, или воопшто готвењето за други носи со себе голема психолошка корист и позитивно дејствува на луѓето.

– Готвењето ја развива креативноста. Креативното изразување било да се работи за сликање, музицирање или готвење ги ослободува луѓето од стресот, изјави за Хафингтон Пост Дона Пинкус, психолог на Универзитетот во Бостон.

Стресот може да се поврзе со низа психички и физички проблеми, а наоѓање на начини за ослободување од стресот е од голема важност за водење здрав живот.

Готвењето за другите луѓе може да послужи како добар начин на комуникација со туѓите чувства. Професорката по психологија на Универзитетот во Масачусетс, Сузан Витборн објаснува дека храната, во недостиг на зборови може да биде начин на изразување.

– Лицата, кои имаат проблеми со искажување на емоциите, благодарност, симпатии или љубов кон некого можат тоа да го покажат на пример преку некое вкусно пециво, вели Витборн.

Медицинската сестра и кулинарскиот терапевт Џули Охана за Хафингтон Пост потенцира дека во многу земји храната навистина е израз на љубов.
– Да се готви, јаде и да се комуницира заедно е прекрасна работа, истакна Охана.

Готвењето бара многу внимание, а фокусирањето на вкусовите, мирисите или движењата, како што е месење на тестото, ги ослободува луѓето од стрес. Состојбата на луѓето додека готват, психолозите ја објаснуваат со медитација.

– Готвењето ве тера да размислувате чекор по чекор, но во исто време да размислувате за рецептот, чиниите кои ви требаат, за тоа колку време ќе направите некое јадење, дали ќе биде вкусно… Сето тоа е еден добар начин на ставање на разни мисли во рамнотежа, а во исто време се забораваат лошите работи, рече Охана.

На крај покрај бројните психолошки предности во текот на готвењето, кога ќе ги усреќите други со јадењето, кое сте го направиле за нив, на чувството на задоволство и исполнетост му нема крај.

Поврзани вести

Дали може да се победи ракот на панкреасот?... Новите истражувања за ракот на панкреасот даваат надеж дека еден од најсмртоносните карциноми може да биде победен со регулирање на количината на прот...
Научниците тврдат: „Лајт” цигарите се опасни како ... Таканаречените лајт цигари се опасни по здравјето како и обичните цигари и веројатно придонеле за видливо зголемување на рак на белите дробови, покажу...
Што две недели на неактивност може да направат на ... Само две недели физичка неактивност се доволни да се зголеми ризикот од хронични болести како што се дијабетис од типот 2 и срцеви болести, пишува „Ме...
’Рчењето кај децата не е секогаш безопасно... Доколку забележите дека вашето бебе ’рчи тоа задолжително треба да му го споменете на педијатарот, бидејќи ’рчењето кај децата може да биде и знак на ...
Како да се разговара со децата за терористичките н... Вестите за терористичките напади секогаш се застрашувачки, но за родителите постои дилема што да им кажат на своите деца кога такво нешто ќе се случи....
Како алкохолот ги брише спомените?... Научници од Медицинската школа при Универзитетот на Вашингтон во Сент Луис успеаја да го објаснат начинот на којшто алкохолот делува и што се случува ...