(ВИДЕО) Димовски: Сакаат под тепих да пикнат дебата за националните симболи

(ВИДЕО) Димовски: Сакаат под тепих да пикнат дебата за националните симболи

Наместо да одговори конкретно на новинарско прашање, пратеникот на ВМРО-ДПМНЕ Илија Димовски ги делеше медиумите на најверојатно некои кои му одговараа и не му одговараа да му поставуваат прашања.

– Вакво прашање очекував од А1он. Законот за кој што зборувате во кој се предлага промена и дополнување на Законот за јазици и дебата за националните симболи е предложен од членови на ДУИ и никогаш не стигнал на дневен ред на Владата на Република Македонија, одговори Димовски иако прашањето беше конкретно дали вака ќе го блокираа Собранието ако овој предлог закон кој е направен во Владата на Никола Груевски стигнеше до Собранието.

Додека Димовски тврди дека овој предлог закон не стигнал до Владата, чудно е како тој е јавно објавен на веб страната на Секретаријатот за спроведување на Рамковниот договор, кога овој Секретаријат е дел од Владата на Република Македонија.

Димовски пред тоа обвини дека СДСМ биле оние кои барале промена на Законот за јазици и дебата за национални симболи, а овие две работи да ги пикнеле „под тепих“ за како што рече граѓаните да не го виделе нивното предавство.

Тој уште еднаш негираше дека ја блокираат седницата и како што кажа ова право им било дадено со Устав. Шпекулираше дека новото парламентарно мнозинство ќе направи обид за насилство врз Собранието и оневозможување на работата на седницата и кажа дека никогаш не била прекината расправа како што сега се обидува да направи СДСМ.

– Претресот трае додека не се исцрпи правото на збор. Апелирам да не се врши насилство врз собранието и да дозволат процесите да течат, како што треба да течат, рече Димовски.

Тој кажа дека ги знаеле плановите на СДСМ за да изберат нов претседател на Собранието.

Александар Тодески

Поврзани вести

Посебен сообраќаен режим за натпреварот Вардар ... Посебен сообраќаен режим најавува СВР за вечерашниот натпревар Вардар - Фрнербахче што ќе се одигра на националната арена „Филип Втори Македонски” од ...
Во Скопје 11 сообраќајки за 24 часа... Вкупно 11 сообраќајни незгоди се случиле изминатите 24 часа во Скопје. Од нив четири со последица материјална штета, а седум со телесни повреди во кои...
Земи кредит без камата – проверивме и навистина е ... Кога парите се во прашање - се мора да биде јасно. Без никакви изненадувања. Каматата и останатите трошоци за кредитот можат да направат огромна ра...
Почнува пријавувањето за упис на УКИМ... На Универзитетот „Св. Кирил и Методиј“-Скопје денеска и утре е пријавувањето за упис во прва година во академската 2017/2018 година. Според Конкур...
Музејска изложба „25 години Армија на Република Ма... Министерката за одбрана Радмила Шекеринска денеска ќе ја отвори музејската изложба „25 години Армија на Република Македонија“ по повод 18 август - Ден...
Шефот на дипломатијата Димитров во посета на Финск... Министерот за надворешни работи Никола Димитров, во рамки на регионалната посета на нордиските земји, денеска ќе престојува во работна посета на Хелси...