(ВИДЕО) Димитриевски: Бев нападнат од страна на алкохолизирани лица

(ВИДЕО) Димитриевски: Бев нападнат од страна на алкохолизирани лица

Вчера на семејна веселба на која што присуствуваа поголем број на жени бев нападнат од страна на група видно алкохолизирани лица, јас и гостите на семејната веселба, првично вербално, а потоа и физички. Имаше дофрлувања на политичка основа и класични провокации се до моментот на физички напад, рече пратеникот од редовите на СДСМ, Максим Димитриевски кој вчера беше нападнат во еден кумановски ресторан од страна на засега непознати лица за јавноста.

Димитриевски апелира до најодговорните во државата, оние кои што се вистинските професионалци да спроведат уредна и легитимна истрага и час поскоро да го расчистат случајот бидејќи, како што кажа, она што вчера се случи веројатно се случува на многу места, но луѓето молчат.

– Добив неколку неофицијални информации дека дел од напаѓачите се припадници од Министерството за внатрешни работи. Поставувам прашање до одговорните дали лицата кои што вчера извршија физички напад на нас согласно постапката веднаш им е направен алкотест на истите и дали се спроведени во полиција да им биде земен уредно исказ. На самиот настан имаме поголем број на присутни гости на видно место обележано за организирање на приватна семејна забава, се случи класичен упад од страна на насилниците. Апелирам до органите да го расчистат случајот што поскоро, рече Димитриевски.

Тој изјави дека лично не познава ниту еден од напаѓачите, но претпоставува дека лицата се од Куманово. Според Димитриевски мотивот за овој напад врз него и неговото семејство треба да го даде истрагата, но повеќе од јасно е дека вакви работи се случуваат во државата а граѓаните молчат.

-Штом одредени лица си дозволиле да поседуваат државна легитимација и да бидат тие кои што ќе го спречуваат криминалот сметам дека е недозволиво во едно демократско општество и во една сериозна држава да истите го кршат и нарушуваат законот, вели Димитриевски.

Виктор Јованов

Поврзани вести

Хан на „Твитер“: Пофалби за премиерот Заев за пока... По средбата во Скопје со премиерот Зоран Заев, еврокомесарот за проширување и добрососедска политика Јоханес Хан, на Твитер напиша со пофални зборови ...
Најтопло во Демир Капија, нестабилно во Скопско, П... Во Демир Капија денеска беше најтопло, а северниот дел од скопската котлина и Полог беа зафатени од поголема нестабилна маса проследени со пороен дожд...
(ВИДЕО) Средба Груевски-Хан: ВМРО-ДПМНЕ сака да ја... Претседателот на ВМРО-ДПМНЕ Никола Груевски денес заедно со членовите на Извршниот комитет на ВМРО-ДПМНЕ Никола Тодоров и Антонијо Милошоски оствари с...
СДСМ: ВМРО-ДПМНЕ 11 години го погазуваше правниот ... СДСМ со писмено соопштение реагира на прес-конференцијата на Спиро Ристовски за судството. „ВМРО-ДПМНЕ 11 години го уништуваше судството и преку па...
Во Делчево почна собирањето потписи за бесплатни з... Во Делчево денеска почна собирањето потписи за бесплатни здравствени прегледи на бремените жени во рамки на кампањата „Стоп за незаконското наплаќање ...
Ристовски: СДС сака да инсталира партиски кадри во... СДС работи на промена на персоналниот состав на судскиот совет и сака да инсталира партиски кадри за целосна и апсолутна контрола и да креира уште едн...