ФБИ и НСА: Нема потврда за тврдењето на Трамп за прислушување

ФБИ и НСА: Нема потврда за тврдењето на Трамп за прислушување

Директорите на американските водечки безбедносни и разузнавачки агенции денеска изјавија дека немаат информации кои би ги докажале тврдењата на американскиот претседател Доналд Трамп дека за време на предизборната кампања за претседателските избори во САД тој бил прислушуван по наредба на неговиот претходник Барак Обама.

– Со сета почит кон претседателските твитови за тоа дека претходната американска администрација наводно го прислушувала, јас немам инфромации што би ги подрржале тие твитови, нагласи директорот на ФБИ Џејмс Коми за време на сослушувањето во Конгресот на САД.

Истиот став, според неговото тврдење, го има и американското Министерство за правда што ги надгледува ФБИ и другите агенции.

Коми додаде дека ниту еден поединец не може да наложи прислушување на некој граѓанин од Америка, туку дека таква дозвола даваат судовите по ригорозен процес на одлучување.

Пред комитетот на Конгресот за разузнавачки работи сведочеше и директорот на НСА Мајк Роџерс, кој ја отфрли сугестијата на администрацијата на Трамп дека Националната безбедносна агенција (НСА) побарала од британските разузнавачки агенции да го шпионираат претседателот на САД.

Тој додаде дека целосно стои позади извештајот на разузнавачките служби кога станува збор за мешањето на Русија во предизборната кампања минатата година.

Претходно, Коми потврди дека ФБИ ги истражува можните напори што ги преземала руската Влада со цел да се вмеша во претседателските избори во САД во 2016 година, вклучувајќи какви било врски со кампањата на претседателот Доналд Трамп со Москва.

Поврзани вести

Експерти: Светот има само три години за да го спас... Светот има само три години за да ги намали емисиите на јаглерод диоксид пред да стане предоцна, предупредува група климатолози и научници, јави ДПА. ...
Путин: Странски разузнавачки служби се обидуваат д... Рускиот претседател Владимир Путин ги критикуваше обидите да се влијае на општествено-политичкиот живот во Русија, кои според него, се вршат од страна...
Северна Кореја: Ќе ја погубиме поранешната претсед... Северна Кореја денеска соопшти дека се обврзува дека ќе ги погуби поранешната претседателка на Јужна Кореја Парк Гуен-хе и шефот на јужнокорејската ра...
Билансот на жртвите во лондонскиот пожар нема да б... Конечниот биланс на загинатите во катастрофалниот пожар во лондонската станбена повеќекатница „Гренфил Тауер“ нема да може да биде познат „барем до кр...
Трамп ја прифати поканата на Макрон да присуствува... Американскиот претседател Доналд Трамп ја прифати поканата на францускиот претседател Емануал Макрон да присуствва на одбележувањето на Денот на падот...
Меркел: Иднината на 27-те земји од ЕУ е приоритет ... Германија и другите земји од ЕУ ќе ги водат преговорите за излегување на Велика Британија од Унијата во атмосфера на пријателство, но сепак, приоритет...