Општина Дебар 2016. година ја завршила со суфицит од 15,3 милиони денари

Општина Дебар 2016. година ја завршила со суфицит од 15,3 милиони денари

На денешната 44-та редовна седница членовите на Советот на општина Дебар ја разгледаа и усвоија завршната сметка на буџетот на општината за 2016 година. Според Ќазим Ќормемети, раководител на Секторот за финансии и буџет, минатата година општината ја завршила со суфицит од 15,3 милиони денари.

-Буџетот за минатата година беше проектиран на 299.295.000 денари, а реализран е со 249.672.626 денари. Остварени се вкупни расходи во износ од 234.364.988 денари, што значи забележан е суфицит од 15.307.638 денари, образоложи Ќормемети пред советиците.

Што се однесува до планираниот прилив на средства, посочи тој, најголемо неоставрување е забележано кај ставката донации каде наместо планираните над 4,6 милиони денари остварени се само 345 илјади денари, потоа кај ставката даночни приходи каде се слеале 12 милони денари помалку, како и кај капиталните приходи за 14 милиони денари помалку од планираните.

Советот на седницата ја усвои и Програмата за работа во областа на располагањето со градежно земјиште во сопственост на Република Македонија, како и повеќе одлуки од областа на урбанизмот.

Буџетот на општина Дебар за 2017 година е проектиран на 312 милиони и 250 илјади денари.

На седницата беше прфатено и барањето на советникот од ДУИ, Шуип Марку, од следната година во Дебар на организиран начин да се одбележува 14 март, кој жителите на поширокиот регион уште го нарекуваат Летник или Денот на летото.

Поврзани вести

Министерството за финансии објави „Граѓански буџет... За да државниот буџет биде подостапен и транспарентен за граѓаните, тимот од Министерството за финансии изработи Граѓански буџет, во кој на начин близ...
Стаменковска: СДСМ го крати планираното зголемувањ... Невенка Стаменковска од ВМРО-ДПМНЕ денеска во изјава за медиумите рече дека СДСМ ги лаже пензионерите во Македонија и дека тие немале да добијат покач...
Просечната нето-плата во јуни 22.808 денари... Просечната месечна исплатена нето-плата по вработен во Македонија, во јуни годинава, изнесувала 22.808 денари и во однос на јуни лани била поголема за...
ВМРО-ДПМНЕ: Граѓаните СДСМ ја паметат по уништувањ... ВМРО-ДПМНЕ со писмено соопштение реагира на соопштението на СДСМ во кое се вели дека ќе се изедначат условите за домашните и странските инвеститори. ...
СДСМ: Со ребалансот на буџетот домашните инвестито... „Заврши времето во кое претходната власт предводена од ВМРО-ДПМНЕ ги потценуваше домашните фирми и ги ставаше во подредена положба на странските инвес...
Косово е втора земја во светот по невработеност на... Според Централната разузнавачка агенција (ЦИА), Косово е втора земја со највисока стапка на невработеност кај младите лица во светот, по Босна и Херце...