Над 75 милиони долари за зачувување на културно-историското наследство во завојуваните зони

Над 75 милиони долари за зачувување на културно-историското наследство во завојуваните зони

Меѓународни донатори ветија денеска над 75 милиони долари за зачувување на објекти од светското културно-историско наследство, што се засегнати од војните и уништувањата од страна на Исламската држава.

На донаторската конференција во Париз, францускиот претседател Франсоа Оланд напомена дека целта на Фондот за наследството е да се обезбедат 100 милиони долари, повикувајќи ги останатите земји да се вклучат во собирањето на тие средства.

Француското Министерство за култура посочи дека Франција ветила 30 милиони долари, а Саудиска Арабија ќе учествува со 20 милиони долари. Обединетите Арапски Емирати ќе донираат 15 милиони домари, Кувајт – пет милиони, Луксембург – три милиони долари, Мароко – 1,5 милиони долари, а еден милион долари ќе обезбеди филантропот Томас Каплан.

Фондот основан во Женева ќе учествува со административна и правна помош. Италија ќе помогне со воен персонал и експерти за конзервација на културно-историските споменици.

Целта на париската конференција е да се создаде меѓународен фонд, со чија помош ќе се запре уништувањето на историските објекти.

Организаторите сакаат, исто така, да создадат светска мрежа за привремено складирање на загрозените артефакти и да финансираат реставрација на објектите што се оштетени од војната.

Поврзани вести

Над пет милиони бегалци од Сирија... Бројот на сириските бегалци во Турција, Либан, Јордан, Ирак и Египет првпат надмина бројка од пет милиони од избивањето на судирите пред шест години, ...
Мали сипаници се шират во Европа, најкритично е во... Светската здравствена организација предупреди дека во Европа се шири епидемија на мали сипаници, особено во државите во кои е забалежано намалување на...
Кањете: Кина и ЕУ треба да бидат лидери во грижата... Кина и Европската унија треба да покажат заедничко лидерство во климатските промени и не можат да очекуваат „еднакво лидерство“ од новата администраци...
„Спејс икс“ ќе ја лансира првата рециклирана ракет... Американската компанија „Спејс икс“ вечерва ќе ја лансира во вселената својата прва рециклирана ракета. При лансирањето, за постигнување на брзина ќе ...
Рекс Тилерсон во посета на Турција... Американскиот државен секретар Рекс Тилерсон денеска пристигнува во посета на Турција, каде ќе се сретне со претставници на турските власти. Плани...
Дејвис не очекува дека Велика Британија ќе и плати... Британскиот министер за Брегзит Дејвид Дејвис изјави денеска дека не очекува оти Велика Британија ќе и плати 62 милијарди долари на Европската унија, ...