Сојлу ја појасни изјавата за испраќање на 15 илјади мигранти во Европа секој месец

Сојлу ја појасни изјавата за испраќање на 15 илјади мигранти во Европа секој месец

Турскиот министер за внатрешни работи Сулејман Сојлу даде појаснување на својата претходна изјава дека Турција би можела да испраќа секој месец по „15 илјади бегалци во Европа“, прецизирајќи дека ги имал предвид само „нередовните имигранти“, кои се обидуваат преку море да стигнат до други држави.

Оваа изјава Сојлу ја даде на 16 март во екот на дипломатската криза меѓу Турција и Холандија, која беше предизвикана од одлуката на Хаг да им забрани на турски министри за учествуваат во настани во земјата, со цел да агитираат во корист на уставните измени, кои ќе бидат ставени на референдум следниот месец во Турција.

– Дадов изјава изминатите денови. Реков: „Ако сакате, можам да ги отворам вратите и да ви испратам 15 илјади бегалци месечно“, рече тој и додаде дека неговите зборови биле извртени во корист на опозицијата.

Сојлу појасни дека не станува збор за бегалци, кои веќе добиле азил во Турција.

Министерот упати критика до опозицискиот весник „Џумхуриет“ дека ги извртел неговите зборови во однос на ова прашање.

– Она за кое зборував беа нередовните имигранти. Некои луѓе, кои не читаат и не пишуваат, а кои се нарекуваат пистатели, но не знаат ништо друго за светот и чии срца се полни со омраза си помислија нешто друго, додаде тој.

Во изјавата Сојлу кажа дека Турција во просек приведувала околу 15 илјади мигранти месечно во 2016 година во обид по море да стигнат до други држави.

– Ги нарекуваме нередовни мигранти. Би можеле да се повлечеме, да не ги приведуваме и да го отвориме патот за нивно испраќање во Европа, додаде тој

– Ние ја почитуваме спогодбата со ЕУ, но тие (Европа) не испочитуваа ниту еден член. Тие немаат намера тоа да го прават, бидејќи секојдневно си прават парични пресметки, додаде турскиот министер.

Поврзани вести

Харадинај бара повеќе време за формирање на новата... Кандидатот за косовски премиер на коалицијата ПАН, Рамуш Харадинај, од граѓаните на Косово побара трпение околу прашањето за формирање на владата. ...
Расте приливот бегалци кон грчките острови... Бројот на бегалци и имигранти кои се движат кон Грција, постојано расте. Само последново деноноќие на островите пристигнале нови 600 луѓе, што се смет...
Курц му префрла на Ердоган за „диктаторско однесув... Австрискиот министер за надворешни работи, Себастијан Курц, му префрли на турскиот претседател Реџеп Тајип Ердоган дека покажува „диктаторско однесува...
Хоџај: Косово се наоѓа во последната фаза од созда... Поранешниот косовски министер за надворешни работи, Енвер Хоџај, тврди дека Косово на крајот од дијалогот со Белград треба да стане членка на ОН и дек...
Русија и Турција го потпишаа договорот за испорака... Договорот за испорака на противвоздишниот ракетен систем С-400 на Турција е потпишан, но се уште не е стапен во сила, изјави денеска директорот на ру...
Потврдени четири случаи на Западнонилска треска во... Во Србија се потврдени четири случаи на заболување од Западнонилска треска, јави Институтот за јавно здравје „Д-р Милан Јовановиќ Батут“, пренесе Танј...