Германија ќе ја брани својата чест во спорот со Турција

Германија ќе ја брани својата чест во спорот со Турција

Германија нема да се откаже од правото да ја брани својата чест во спорот со Турција, од каде властите во Берлин беа обвинети дека спроведуваат нацистички политики, изјави за германските медиуми денеска Петар Алтмаер, шеф на кабинетот на канцеларката Ангела Меркел.

Анкара минатата недела ја обвини Германија дека со забраната за турските политичари да учествуваат на митинзи поврзани со референдумот за поглеми уставни овластувања на претседателот Ердоган се однесува исто како нацистите на Хитлер.

„Сите германски партии имаат став дека земјта има чест и таа ќе ја брани својата чест. Споредбата со нацистичките практики е неприфатлива“, изјавил Алтмајер кој во германската влада е одговорен за решавање на прашањата поврзани со бегалската криза.

И покрај најавите од Анкара дека Турција каде сега има три милиони бегалци би можела да пропушти огромен број мигранти кон Европа Алтмаер не е загрижен за иднината на спроведувањето на договорот ЕУ – Турција за запирање на приливот на азиланти кој беше потпишан пред една година. Според него овој договор е важен и за Турција. Со него обезбедуваме бегалците да останат во регионот а Турција не може сама да се справи соовој предизвик.

Во врска со нападите од Анкара денеска реагираа и портпаролката на владата во Берлин Улрике Демер која изјави дека владата многу внимателно го следи ова прашање и го задржува ставот дека ова однесување на Турција е погрешно, јавува дописникот на МИА од Берлин..

Реакција пристигна и од министерството за надворешни работи од каде се додава дека Берлин нема интерес да влезе во спирала на взаемни провокации кои што се креирани со цел да се засили поддршката за претседателот Ердоган на референдумот закажан на 16 април.

„Кој ќе има корист ако ние возвраќаме со иста мера или ако одговараме користејќи го истиот јазик како и турскиот претседател“, изјави денеска портпаролот на германското МНР Мартин Шефер кој вели дека Германија не е наивна за да разбере дека најголема корист од вербални препирки ќе има Ердоган но дека ако Турција претера владата ќе реагира соодветно.

Поврзани вести

Еквадорски медиуми казнети за необјавен компромити... Еквадорската владина комисија за медиуми, парично казни четири угледни весници и три домашни телевизиски станици, затоа што не објавиле компромитирачк...
Северна Кореја изврши големи артилериски вежби... Северна Кореја изврши денеска артилерска воена вежба по повод 85-годишнината на армијата, додека во Токио претставници на САД, Јужна Кореја и Јапонија...
Семејството на либискиот „бомбаш од Локерби“ покре... Семејството на Либиецот Абделбасет ал Меграхи, познат како „бомбашот од Локерби“ покрена постапка пред властите во Шкотска за поништување на неговата ...
Кампањата на Емануел Макрон – цел на напади ... Како и Хилари Клинтон, така и Емануел Макрон беше цел на хакерски напади кои доаѓале од Рускија, тврди Тренд микро компанија, специјализирана за безбе...
Габриел: Жал ми е ако израелскиот премиер одбие ср... Германскиот министер за надворешни работи, Зигмар Габриел изјави дека ќе биде „благо кажано, забележително“, доколку израелскиот премиер Бенјамин Нета...
Советот на Европа ги повика САД да ја укинат смртн... Советот на Европа ги повика САД да ја укинат смртната казна по серијата егзекуции извршени во државата Арканзас. „ Ова е многу вознемирувачко и е с...