Со „Бајки од Македонија“ одбележан Светскиот ден на раскажувањето сказни

Со „Бајки од Македонија“ одбележан Светскиот ден на раскажувањето сказни

Со читање приказни од едицијата „Бајки од Македонија“ пред првачињата од основното училиште „Коле Неделковски“ денеска во Градската библиотека „Браќа Миладиновци“ беше одбележан Светскиот ден на раскажување сказни. Наратори на приказните беа актерите Теоман Максут и Миа Кантарџиева.

Движењето за поддршка на креативноста Иво Лауренчиќ – „Браво сине“ и издавачката куќа „Арс Ламина“, во чие издание е едицијата, на Градската библиотека „Браќа Миладиновци“ и донираа 40 комплети „Бајки од Македонија“.

Ангелка Пеева Лауренчиќ, член на Управниот одбор на Движењето за поддршка на креативноста Иво Лауренчиќ – „Браво сине“ истакна дека до неодамна доминантни биле бајки од други држави, а не од Македонија.

– Креативниот израз на младите илустратори кои ги наградивме, односно ја наградивме Кристина Николовска го даде резулатот и веќе тоа се ликови кои младата генерација ги прифаќа за свои, а со тоа се приближува кон читањето. Поттик повеќе да продолжиме понатаму и да издавме уште бајки од Македонија. Читајте бајки, читајте книги, рече Пеева Лауренчиќ.

Раководителот на издаваштво во „Арс Ламина“ Бранка Бугариска нагласи дека целта што сакале да ја постигнат е децата да бидат нестрпливи, да читаат и слушаат уште бајки.

– Во таа насока ќе продолжиме да работиме, заедно да создаваме нови едиции и да им донесеме на децата уште интересни бајки што доаѓаат токму од нашата држава и да градиме нова читателска публика, потенцира Бугариска.

Едицијата „Бајки од Македонија“ е составена од четири бајки – „Вејко Северко“, „Двата цара“, „Момчето што се скри во златното јаболко“ и „Девојчето и 12-те месеци“ и претставува модернизирана и адаптирана форма на приказни од македонското народно творештво собрани од Марко Цепенков и од Танас Вражиновски. Во изборот на бајките учествуваше и Институтот за фолклор „Марко Цепенков“ при Универзитетот „Свети Кирил и Методиј“ од Скопје. Илустрациите на приказните во едицијата „Бајки од Македонија“ ги изработи младата дизајнерка Катерина Николовска, која беше избрана на јавен конкурс.

Поврзани вести

Презентација на проектот “Европа – недовршено реме... На 4 мај во Македонската опреа и балет ќе настапи словенечкиот културен амбасадор и виолинист со светско реноме, Миха Погачник како дел од проектот “Е...
Околу 170 пензионери на Регионална музичка ревија ... Петнаесетта по ред Регионална ревија на музика, песни и ора за Вардарскиот регион се одржа денеска во Кавадарци, во организација на Здружението на пен...
„Шумата на моето дрво“ – премиера во Велешки... На Малата сцена на Народниот театар „Јордан Хаџи Константинов-Џинот“ во Велес утревечер премиерно ќе биде изведена претставата „Шумата на моето дрво“ ...
Отворена 10. Детска ликовна колонија во Кучково... Во Кучково, општина Ѓорче Петров, денеска беше отворена 10-тата Детска ликовна колонија. Годинава учествуваат 45 ученици од основните училишта од општ...
Промовирана книгата „Совети и раскази од Кекавман“... Книгата „Совети и раскази од Кекавмен“ од проф. д-р Јован Белчовски, издание на „Македоника литера“, денеска беше промовирана во соборниот храм „Св. К...
Во Кавадарци концерт во чест на унгарскиот компози... Во рамките на традиционалната соработка помеѓу Домот на културата „Иван Мазов Климе” од Кавадарци и Дирекцијата за култура и уметност на град Скопје, ...