НСДП: Најголемата закана за безбедноста на Република Македонија е Никола Груевски

НСДП: Најголемата закана за безбедноста на Република Македонија е Никола Груевски

„Најголемата закана за безбедноста, стабилноста и унитарниот карактер на Република Македонија е лично Никола Груевски. Тој уште еднаш, по кој знае кој пат, покажа дека својата лична политичка трагедија сака да ја колективизира за да се спаси себеси и тие околу него од правната одговорност за сите злодела кои ги направија на граѓаните во изминатава деценија.

Резултатите од изборите на 11 декември сосема јасно ја поставија формулата за решение и излез од политичката криза, а тој и ВМРО-ДПМНЕ не се дел од неа. Тоа е прашање на математика, а не на лични стравови и политички желби да се блокираат процесите на профункционирање на правниот систем. Токму тој нарушен политички комодидет Груевски очајнички се обидува да го прикрие со манипулативен политички вокабулар исполнет со омраза и меѓуетничка поларизација и поделба.

Тезите дека некој подготвува федерализација на Македонија, воведување на паралелни институции, на промена на знаме и химна, и дека истите тие може да се реализираат без поддршка на пратениците од ВМРО-ДПМНЕ во Собранието, зборуваат за една виртуелна политичка реалноста која пропагандната машина се обидува да ја искористи за да се затскрие политичкиот очајник на кого личната слобода и нелегално стекнатото богатство му се помили од било што друго.

НСДП апелира во најбрзо можен рок да се формира новата реформска Влада, која свој неспорен легитимитет го темели на резултатите од парламентарните избори, и со тоа во Макадонија да отпочнат процесите на возобновување на демократијата и институциите на системот. Сосема јасно е дека тие процеси Груевски и тие околу него ги доживуваат фаталиситчки за својата лична политичка иднина, и на сите можни начини ќе се обидуваат да ги одложат, но тоа е неминовниот пат кој избраа граѓаните на Македонија, од кој нема назад. Тоа треба да го сфатат и неговите сопартијци во ВМРО-ДПМНЕ и да го дадат својот личен придонес преку отпочнување на процес на внатепартиски реформи, затоа што само на тој начин Македонија може да се врати на евро-атланските патиша и да се спаси од пропаста кон која ја води нивниот актуелен лидер“, се вели во соопштението на НСДП.

Поврзани вести

Живаљевиќ: Влегов во Собранието со дозвола на сове... Поранешниот советник за безбедност во српската амбасада во Скопје, Горан Живаљевиќ, ги негира тврдењата на ВМРО-ДПМНЕ дека македонските институции не ...
Кабинет на Иванов: Македонските служби не побарале... Од Кабинетот на претседателот Ѓорге Иванов реагираат во врска со изјавата на српскиот разузнувач Горан Живаљевиќ, дадена за српската агенција Танјуг. ...
СДСМ: Хаос се случува само во главата на Никола Гр... Никола Груевски е човекот којшто им ги создаде најголеми проблеми на граѓаните и на Република Македонија. Откако ги осиромаши граѓаните, откако ја...
Почина новинарот Ѓорѓи Ристески-Џостер... Денеска во Скопје, на 57-годишна возраст ненадејно почина долгогодишниот новинар на „Вечер“ и „Експрес“, Ѓорѓи Ристески-Џостер. Кариерата ја започн...
Персоналот во српската Амбасада во Скопје се враќа... Персоналот на српската Амбасада утре ќе пристигне назад во Скопје. Ова, како што соопшти Министерството за надворешни работи, го информирал првиот зам...
ВМРО-ДПМНЕ: Никој не дал согласност за влез на Жив... „ВМРО-ДПМНЕ изразува загриженост за објавената, од страна на Република Србија, шпионска афера која има меѓународни димензии, имајќи предвид дека е меѓ...