Лондон: Процесот на Брегзит ќе почне на 29 март

Лондон: Процесот на Брегзит ќе почне на 29 март

Британската Влада на 29 март ќе го активира членот 50 од Лисабонскиот договор со што практично ќе почне процесот за излез на Велика Британија од ЕУ, соопшти денеска Даунинг стрит 10.

– Постојаниот британски претставник во Брисел утрово ја информира ЕУ дека на 29 март Велика Британија ќе го активира членот 50, изјави претставник на Кабинетот на британската премиерка Тереза Меј.

Според официјалното британско соопштение, Владата во Лондон ќе ги извести со писма сите 27 земји членки на ЕУ и ќе побара од нив преговорите за формалното истапување од Унијата да почнат што е можно побрзо.

Стартувањето на процесот за Брезит стана можно откако на 16 март кралицата Елизабета Втора формално го одобри Законот за процесот за излез на Велика Британија од ЕУ, што преходно беше усвоен од двата дом на британскиот Парламент.

Претседателот на Долниот дом на британскиот Парламент, Џон Берков, по одобрувањето на Законот од страна на кралицата, потврди дека Меј може да ги почне преговорите за Брегзит во „кое било време“.

Пред девет месеци на референдумот за ЕУ одржан на 23 јуни, 51,9 отсто од Британците се определија за напуштање на Унијата, додека 48,1 отсто беа за задржување на британското членство.

Мнозинството Шкотланѓани и Северноирци беа за останување на Обединетот крластво во Унијата. За Брегзит гласаа мнозинството Англичани и тоа не само евроскептците, кои доминираат кај гласачите на владејачката Конзервативна партија, туку и традиционални поддржувачи на лабуристите од североисточните делови на Англија и во Велс.

Лондон се надева дека преговорите ќе завршат за две годиним што значи дека Велика Британија на почетокот од април 2019 година ќе биде надвор од Унијата.

Кандидатурата за членство во тогашната Европска еконономска заедница (ЕЕЗ), Владата во Лондон првпат ја поднесе во 1963 година, во времето кога премиер беше конзервативецот Харолд Макмилан.

Десет години траеја преговорите за британски влез во заедницата, најмногу поради ветото на Франција и на нејзиниот тогашен претседател Шарл де Гол, кој не веруваше во определеноста на Британците да бидат дел од европскиот континент, нивната голема блискост со САД и стравувањето дека во ЕЕЗ Велика Британија ќе го вовлече и целиот Комонвелт.

Членка на ЕЕЗ Велика Британија стана во 1973 година, кога спогодбата за членство ја потпиша конзервативниот премиер Едвард Хит.

Референдумот за напуштање на сегашната ЕУ го покрена поранешниот премиер Дејвид Камерон, во надеж да ја смири десницата во својата Конзервативна партија и верувајќи дека Британците ќе се определат за останување во Унијата.

Во кампањата Камерон агитираше за останување во ЕУ, а по поразот поднесе оставка и беше заменет од Тереза Меј.

Медиумите во Лондон најавуваат дека таа ќе им се обрати на пратениците во Парламентот по покренување на членот 50.

Поврзани вести

Автомобил се залетал во автобуски постојки во Марс... Најмалку едно лице загинало, а едно е повредено откако автомобил влетал во две автобуски постојки во Марсеј, пишува Еуроњуз. Според медиумите, се у...
Мароканецот Јунес Абујакуб го возел смртоносното к... Истражителите веруваат дека Мароканецот Јунес Абујакуб (22), по кого трага полицијата, бил возач на комбето кое влета меѓу луѓе на шеталиштето во Барс...
Се активира вулкан на Камчатка... Најголемиот евроазиски вулкан Кључевскаја, кој се наоѓа на рускиот полуостров Камчатка, исфрли пепел во висина од шест километри над морското ниво, со...
„Паризиен“: Автомобилот од Камбрилс бил снимен пор... Автомобилот, со кој е извршен нападот врз пешаци во шпанскиот туристички град Камбрилс, во кој загина една жена, бил забележан од безбедносни камери е...
Изгубениот американски воен брод од Втората светск... Американскиот воен брод од Втората светска војна „Индијанополис“ е откриен на дното од Пацификот, 72 години откако една јапонска подморница го потопи....
Меркел: Одлуката за отворање на Германија за бегал... Германската канцеларка Ангела Меркел и понатаму останува при својата одлука од пред две години дека треба да се отворат границите на Германија за пове...