Запечено пилешко со праз

Запечено пилешко со праз

Едноставно јадење со пилешко, праз и кашкавал, готово за само 30 минути …

Потребно е:
4 парчиња пилешки гради
2 страка праз
1 лажица маслиново масло
25 гр путер
2 лажици брашно
300 мл млеко
100 гр изрендан топлив кашкавал (ајдамер, гауда …)
сол, бибер

Подготовка:
– Месото измијте го и исушете го. Потоа исечете го на коцки и пропржете го на масло околу 5 минути.

– Празот исчистете го, исечете го на тркалца и додадете го кај месото. Поклопете го садот и динстајте 10-тина минути со повремено мешање. Додадете сол и бибер по вкус.

– Направете го бешамел сосот. Во сад на рингла растопете го путерот, додадете го брашното и пропржете го со постојано мешање околу 1 минута. Сипете го млекото и варете со постојано мешање додека да се згусне. На крај додадете половина од изренданиот кашкавал, сол и бибер и мешајте додека да се растопи кашкавалот. Оставете да се излади.

– Тава за печење премачкајте ја со путер. На дното на тавата распоредете ја смесата со пилешко и праз. Прелијте со подготвениот бешамел сос и посипете со остатокот од кашкавалот.

– Ставете да се пече во загреана рерна на 200 целзиусови степени околу 15 минути, додека да се растопи кашкавалот и да добие убава златно-кафена боја.

– Готовото јадење извадете го од рерна и оставете малку да се излади. Сервирајте го со салата или варен зеленчук.

Поврзани вести

Пита со боровинки Вкусна виолетова пита ... Потребно е: за тестото: 100 гр шеќер 400 гр остро брашно 1 прашок за пециво 200 гр путер 2 жолчки прстофат сол из...
Запечено пире од компири со шампињони... Козјото сирење идеално одговара со пирето од компири и печурките ... Потребно е: 1 кг компири маслиново масло сол, мелен црн бибер 150 гр марин...
Палачинки од блитва Овие колоритни палачинки потполно ќе ве освојат со својот вкус ... Потребно е: 150 гр пченично бело брашно 2 јајца 250 мл млеко 1 лажиче прашо...
Светски ден на сладоледот Третата недела во јули традиционално се одбележува како Светски ден на сладоледот, прослава која што започнала пред 33 години во САД. Одбележувањет...
Слоевити вкусни коцки Овие шарени и неодоливи коцки се наша идеја за секое дружење ... Потребно е: 250 гр замрзнато лиснато тесто 150 гр шунка, исечена на тенки парчињ...
Пица што ги содржи омилените состојки на Британцит... Познатиот синџир пицерии „Пица Хат“ го „лансираше“ својот новитет наменет за нивните ресторани во Велика Британија - пици целосно прекриени со макарон...