Стопанска комора: Брзото менување на законите најголем проблем на бизнисот

Стопанска комора: Брзото менување на законите најголем проблем на бизнисот

Сивата економија и брзото менување на регулативите се уште се најголеми проблеми за микро, малите и средните претпријатија во Македонија.

Како што беше речено денеска на прес-конференција во Стопанската комора, за фирмите е посебно тешко да се прилагодат на законите за работни односи и за безбедност и заштита при работа, а не помали пречки им се и правата и обврските од законите за даночна и царинска политика, животна средина и урбанизам.

– За што подобро информирање на компаниите, но и за детектирање на нивните проблеми, почнуваме со т.н. инфо-сесии, вкупно 18, во десет градови низ Македонија. Стартот е задутре, 22 март, со првиот информативен настан во Велес. Клучни сектори што ќе бидат опфатени со анализите се земјоделството, текстилот, градежништвото, ИКТ и туризмот, истакна Јадранка Аризанковска, виш советник во Комората.

Инфо-сесиите се дел од проектот на УСАИД што го спроведува „Епицентар Интернационал“ – Скопје во партнерство со Стопанската комора на Македонија, Комората за информатичка и телекомуникациска технологија МАСИТ и Стопанската комора на Северозападна Македонија. Целна група се сите микро, старт-ап, мали и средни претпријатија, но не е исклучена можноста и за присуство на претставници од големите компании.

– Целта е двојна, подобра усогласеност на бизнисот со законската регулатива преку информирање и детектирање на промените кои фирмите би сакале да ги видат во соодветните регулативи, нагласи директорот на „Епицентар Интернационал“ – Скопје Љупчо Димовски.

Информативните настани ќе се одржуваат до 7 јуни годинава, во Велес, Куманово, Тетово, Кавадарци, Битола, Струга, Охрид, Струмица, Штип и Скопје.

Поврзани вести

Грција се надева на уште една рекордна година за т... ДПА - Хамбург Рекордниот број туристички посети во 2016 година не беа доволни за да ги компензираат проблемите и економските мерки во Грција, но си...
Каде во пракса исчезнаа работните места во америка... Проџект синдикејт - Прага За две децении – од 1979 до 1999 година – бројот на работните места во индустриското производство во САД се намали од 19 ...
(ВИДЕО) Спасовски: Новата влада ќе ги заштити рабо... „Денеска е значаен ден заради тоа што на повик на неколку синдикати сме тука за да поразговараме околу идните ставови на новата Влада предовдена од Со...
Зголемен товарниот патен превоз, намалување во жел... За 69,6 проценти е зголемено количеството на превезена стока во товарниот патен превоз во првиот квартал годинава споредено со првиот квартал лани, а ...
Понуди за работни места од 25 компании на Саемот з... Дваесет и пет компании од источниот регион нудат работни места за невработени лица на вториот Саем за вработување, што беше отворен денеска во галериј...
Врнежите поволни за поледелските култури... Врнежите од последниот влажен бран значително ќе ја подобрат состојбата за обезбеденост на почвената влажност кај поледелските култури, особено кај ја...