Хан: Иднината на Балканот е во ЕУ

Хан: Иднината на Балканот е во ЕУ

Еврокомесарот за проширување Јоханес Хан оцени дека ситуацијата во земјите од Западен Балкан и натаму е кревка и трајно решение е можно само во меѓународните рамки, односно внатре во ЕУ.

– Ние не се фокусираме на датумите за членство. Зборуваме за пристапниот процес, а со која брзина напредуваат земјите зависи само од нив, истакна Хан во интервју за виенскиот весник „Курир“.

Што се однесува до отпорот за натамошен прием на земјите во ЕУ, тој нагласува дека мнозинството граѓани на земјите членки се воздржани, поради што е важно тие луѓе да се убедат дека новата членка не претставува товар или проблем, туку добивка.

Државите кои сакаат да станат членки, според него, мора да исполнат предуслови, правниот систем мора да функционира, треба да бидат многу поатрактивни за инвестиции. Економиите на државите мораат, при идните приеми, да бидат клучен фактор.

– Поради тоа предложивме заеднички пазар за регионот на Западен Балкан, со слободен проток на стока и услуги, заеднички признавања на сертификати. Тоа би можело релативно лесно да се спроведе, без да се менуваат договори, и би претставувало прв чекор кон европскиот заеднички пазар. Би можело да се случат до 80.000 укинувања на формални препреки, смета еврокомесарот.

Хан го констатирал и руското влијание во регионот, посебно кога станува збор за геостратешки развој.

Поврзани вести

Ајде: Добро започнаа преговорите за кипарското пра... Преговорите за решавање на кипарското прашање денеска почнаа со разгледување на гаранциите за безбедност. Тоа е добар старт, изјави специјалниот прате...
Слаб земјотрес во околината на Дубровник... Хрватската Сеизмолошка служба денеска регистрира земјотртес со интензитет од 3,5 степени според Рихтеровата скала во регионот на Дубровник. Епицент...
Грчките болници без климатизација на пеколни темпе... Синдикатот на вработените во јавните болници ПОЕДИН издаде соопштение во кое се вели дека во многу болници нема соодветна климатизација, во услови ког...
Нов круг преговори за обединување на Кипар во Швај... Прашањето на безбедноста е прва точка на дневниот ред на новиот круг преговори за обединување на Кипар, што започна денеска во швајцарското одморалишт...
Српскиот Парламент избира нова влада... Српскиот Парламент денеска одржува седница за избор на новата влада, на која мандатарката Ана Брнабиќ го презентираше експозето за работа на нејзиниот...
Разочараност во БиХ од одлуката на Судот во Хаг за... Босанските муслимани изразија незадовоство од вчерашната одлука на Апелацискиот суд во Хаг, кој пресуди дека Холандија е „делумно одговорна“ за смртта...