Еврогрупата денеска ќе дискутира за Грција, но не се очекува договор

Еврогрупата денеска ќе дискутира за Грција, но не се очекува договор

Министрите за финансии од Еврозоната денеска ќе се состанат во Брисел за да разговараат за проблемот со Грција, но на средбата не се очекува да биде постигната конкретен договор.

Во интервју за „Франкфуртер Алгемајне Цајтунг“ претседателот на Еврогрупата Јерун Дејселблум изјави дека брзото завршување на започнатиот преглед на грчката спасувачка програма тешко ќе биде постигнато.

Тој додаде дека не верува оти институциите ќе го финализираат тој преглед пред седницата на Еврогрупата на Малта во април.

Грција и нејзините меѓународни кредитори се уште имаат несогласувања за три клучни теми, социјалното осигурување, реформа на пазарот на трудот и енергетиката.

Атина првично се надеваше дека спогодбата со кредиторите е можна до 20 март. Сега очекувањата се таа да биде постигната на 7 април. Пред повеќе од една недела тимовите на кредиторите отпатуваа од Грција поради несостиг на согласност.

Оценката на грчката програма од страна на кредиторите е неопходна за да може Грција да ги добива траншите од заемот, во спротивно земјата нема да може да го враќа државниот долг.

Грција доби три спасувачки програми од пакетот од меѓународните кредитори од 2010 година досега. Последната спогодба за кредит е со вкупна вредност од 86 милијарди евра и таа беше договорена во јули минатата година. Од таа сума досега се усвоени 31,7 милијарди.

Во замена грчката Влада ги зголеми даноците и ги намали пензиите и платите. Сега целта на Атина е да договори нова спогодба со кредиторите без ангажмани за повеќе мерки на штедење.

Поврзани вести

Како Венецуела од најбогата економија во Јужна Аме... Индекс - Загреб Венецуела беше една од најбогатите земји на Латинска Америка, а денес личи на земја погодена од војна. Минатата година стопанството...
Цакалотос оптимист за решение за проблемот со грчк... Грчкиот министер за финансии Евклидис Цакалотос е оптимист и смета дека на средбата на еврогрупата на 15 јуни ќе биде најдено решение за должничкиот п...
Одложен штрајкот на грчките железничари... Четиридневниот штрајк на грчките железничари, што требаше да трае од денеска до петок, е одложен, соопшти доцна синоќа Синдикатот на вработените во гр...
Дебата за перспективите на контролинг професијата ... „Контролинг професијата во Македонија - состојби и перспективи“ е насловена форумската дебата што ќе се одржи денеска во Скопје, во организација на Ак...
Саем за вработување во Кавадарци... Во спортската сала „Јасмин“ во Кавадарци денеска ќе се одржи Саем за вработување, на кој кавадаречките работодавачи ќе ги претстават нивните потреби з...
Директните странски инвестиции во 2016. година во ... Според податоците на Хрватската централна банка директните странски инвестиции во земјата во текот на минатата година изнесувале 1,706 милијарди евра ...