Меѓународен ден на Франкофонијата

Меѓународен ден на Франкофонијата

Амбасадата на Франција и Францускиот институт во Скопје денеска на прес-конференција ќе ги соопштат активностите за одбележување на 20 Март – Меѓународниот ден на Франкофонијата.

На прес-конференцијата ќе се обрати амбасадор на Франција Кристијан Тимоние, а ќе присуствуваат и дипломатските претставници на повеќе земји членки на Меѓународната организација на Франкофонијата: амбасадорот на Албанија Фатос Река, амбасадорка на Австрија Ренате Коблер, бугарскиот амбасадор Великов Петков, Димитрос Јанакакис, шеф на Канцеларијата за врски со Грција, романскиот амбасадор Виорел Станила и Сибил Ситер Тежада, амасадор на Швајцарија.

Македонија членува во Меѓународната организација на Франкофонијата од 2006 година и има активна улога во промовирањето на Франкофонијата во рамките на Југоисточна Европа.

– Во Македонија денес има повеќе од 50.000 активни говорители на францускиот јазик во најразлични општествени сектори, а токму францускиот јазик е заедничкиот именител којшто ги обединува земјите членки на Франкофонијата, наведуваат организаторите.

Меѓународната организација на Франкофонијата е основана во 1970 година со цел да го промовира францускиот јазик, културната и јазичната различност, промоција на мирот, демократијата и човековите права, поддршка на образованието, како и развивање на соработката во служба на оддржливиот развој и на солидарноста.

Поврзани вести

Настап на фолклорните групи при ДКЦ „Карпош“ на фе... Неколку фолклорни состави при Детскиот културен центар „Карпош“ зедоа учество на Меѓународниот фолклорен фестивал кои што се одржа во градчето Калела ...
Објавен расказ на Томислав Османли во српското спи... Расказот „Смислата“ на современиот македонски прозаист Томислав Османли деновиве го објави списанието „Sent“ во Нови Пазар. Станува збор за реномир...
Почнува 13. Меѓународен филмски фестивал „Астерфес... Со доделување на наградите на годинашните лауреати Џеки Шепард и Коле Ангеловски, вечер во 19:30 часот во Центарот за култура „Антон Панов“ во Струмиц...
Рецитал на Дани Жоговска во Музеј на Град Скопје... Младата пијанистка Дани Жоговска на 27. јуни ќе одржи концерт во Музеј на Град Скопје. На програмата ќе се најдат дела од Бах, Бетовен, Глинка/Бал...
Руска алтернативна монодрама вечер на „Битола Шекс... Монодрамата „Сонот на Хамлет“ на Академскиот драмски театар од рускиот град Владимир вечер во Народниот театар во Битола ќе биде изведена во рамки на ...
Концерт на ансамблот „Орце Николов“ на Скопско лет... Во рамки на Скопско лето 2017, вечерва концерт „Фолклорот носи само едно име“ ќе одржи ансамблот за народни игри и песни „Орце Николов“. Концертот ...