Монодрамата „Господ е жив“ на сцената на Велешкиот театар

Монодрамата „Господ е жив“ на сцената на Велешкиот театар

Монодрамата „Господ е жив“, авторски и автобиографски проект на актерката Драгана Босниќ, ќе биде изведена вечер на малата сцена на Народниот театар „Јордан Хаџи Константинов-Џинот“ во Велес.

Претставата е на српски јазик и е дел од проектот за културна поддршка на српското малцинство во Република Македонија.

Босниќ рече дека во претставата е обработена личната приказна на 40-годишна жена, која по два брака во две држави, останува без работа и е во безизлезна ситуација.

– Во еден момент додека е во дупката, ја прифаќа подадената рака која што ја извлекува од мракот кон светлината, посочи Босниќ.

Драгана Босниќ е дипломиран актер. Родена е во 1967 година, во Војводина. Актерска игра запишува и дипломира на Академијата за уметност во Нови Сад, во класата на проф. Петар Баниќевиќ. Професионалната актерска кариера ја почнува во Нови Сад, а потоа игра на сцената на Народниот театар во Сомбор, еден период во Народниот театар „Непсинхаз“ во Суботица, а потоа во КПГТ Белград, од каде доаѓа во Скопје.

Вработена е во Народниот театар „Јордан Хаџи Константинов-Џинот“, а настапува и на сцените на Драмскиот театар, Македонскиот народен театар и во Кумановскиот театар.

Поврзани вести

Настап на фолклорните групи при ДКЦ „Карпош“ на фе... Неколку фолклорни состави при Детскиот културен центар „Карпош“ зедоа учество на Меѓународниот фолклорен фестивал кои што се одржа во градчето Калела ...
Објавен расказ на Томислав Османли во српското спи... Расказот „Смислата“ на современиот македонски прозаист Томислав Османли деновиве го објави списанието „Sent“ во Нови Пазар. Станува збор за реномир...
Почнува 13. Меѓународен филмски фестивал „Астерфес... Со доделување на наградите на годинашните лауреати Џеки Шепард и Коле Ангеловски, вечер во 19:30 часот во Центарот за култура „Антон Панов“ во Струмиц...
Рецитал на Дани Жоговска во Музеј на Град Скопје... Младата пијанистка Дани Жоговска на 27. јуни ќе одржи концерт во Музеј на Град Скопје. На програмата ќе се најдат дела од Бах, Бетовен, Глинка/Бал...
Руска алтернативна монодрама вечер на „Битола Шекс... Монодрамата „Сонот на Хамлет“ на Академскиот драмски театар од рускиот град Владимир вечер во Народниот театар во Битола ќе биде изведена во рамки на ...
Концерт на ансамблот „Орце Николов“ на Скопско лет... Во рамки на Скопско лето 2017, вечерва концерт „Фолклорот носи само едно име“ ќе одржи ансамблот за народни игри и песни „Орце Николов“. Концертот ...