Македонската храна повторно на популарните светски интернет портали

Македонската храна повторно на популарните светски интернет портали

Пробајте боза, ракија и вино, пинџур, макало, биено сирење и шкембе чорба, научете како се прават традиционални домашни пецива, наведува Интрепид травел во написот „Македонија: земја на питите, страста и изобилството“.

Авторите на оваа своевидна репортажа најпрво го пренесуваат искуството од престојот во Маврово и зборуваат за превкусните тиганици што домаќините им ги подготвиле за доручек. Воодушевени се и од мармаладот од сливи, ајварот, црвениот вранец,…

– Кога ќе седнете на софра, веднаш ви станува јасна поврзаноста на македонската кујна со земјоделството и локалното население. Пребогата е со зеленчук, најразлични бои и вкусови. Но, иако состојките во храната се типични за поднебјето, таа е микс од влијанијата на Балканот, Европа, Средниот Исток и Медитеранот, стои во написот.

Споделени се и гастро – доживувањата од посетата на Охрид, Јанче, како и од пчеларникот во Дихово. – Зачудувачки и во исто време охрабрувачки е фактот колку и каква се храна може да се произведува, забележуваат авторите во разговорите со своите домаќини.

Тие си заминале од Македонија со тегла ајвар, традиционално сирење и мало шише ракија. – И, така, додека уживате во преубавото чувство што со себе сте понеле дел од Македонија, ви станува јасно без што не смеете да се вратите следниот пат, без чифт пошироки, еластични панталони, заклучуваат авторите.

Целата статија, објавена завчера, може да се прочита тука. Во нејзини рамки има и линк кој води до конкретна туристичка понуда со наслов „Истражете ги Македонија и Црна Гора преку вистинска храна авантура – од Скопје до Котор“. Се нудат, како што е наведено, кулинарски задоволства, а турата почнува со пикник на Треска. Следуваат посети низ македонски села, цркви, водопади.

Поврзани вести

Лазањи со лигњи Направете ја оваа комбинација на омилени јадења, затоа што овој спој на лигњи, тесто за лазањи и вино дава неверојатно мирисни залачиња ... Потребн...
Пилешко во црвено со палента и праз... Интересна идеја за еден вкусен колоритен ручек ... Потребно е: 1 пиле од околу 1,5 кг 1 поголема главица кромид 3 моркови 3 гранчиња магдонос (...
Пита со боровинки Вкусна виолетова пита ... Потребно е: за тестото: 100 гр шеќер 400 гр остро брашно 1 прашок за пециво 200 гр путер 2 жолчки прстофат сол из...
Запечено пире од компири со шампињони... Козјото сирење идеално одговара со пирето од компири и печурките ... Потребно е: 1 кг компири маслиново масло сол, мелен црн бибер 150 гр марин...
Палачинки од блитва Овие колоритни палачинки потполно ќе ве освојат со својот вкус ... Потребно е: 150 гр пченично бело брашно 2 јајца 250 мл млеко 1 лажиче прашо...
Светски ден на сладоледот Третата недела во јули традиционално се одбележува како Светски ден на сладоледот, прослава која што започнала пред 33 години во САД. Одбележувањет...