Отворен конкурсот за Наградата од ЕУ за истражувачкото новинарство

Отворен конкурсот за Наградата од ЕУ за истражувачкото новинарство

Сите новинари кои во 2016 година продуцирале и објавиле истражувачки стории на теми поврзани со злоупотреба на моќта и прекршување на основните права, корупција и организиран криминал, од денеска до 7 април може да се пријават на конкурсот за Наградата од Европската Унија за истражувачкото новинарство.

Наградата е воспоставена од Европската комисија, во согласност со Стратегијата за проширување на ЕУ, која ја идентификува потребата од обезбедување слобода на изразување во медиумите и потребата за поддршка на истражувачкото новинарство при следење на процесот на реформите. Целта е да ги истакне и промовира извонредните достигнувања на новинарите истражувачи и да ја подобри видливоста на квалитетното истражувачко новинарство во земјите од Западен Балкан и во Турција.

Конкурсот вклучува и под-категорија „награда за најдобра сторија од млад новинар истражувач“, со цел да се промовираат младите генерации новинари истражувачи.

Наградата се доделува еднаш годишно во земјите од Западен Балкан и во Турција, а годишниот награден фонд за секоја земја изнесува 10.000 евра.

Како што се наведува, во секоја држава ќе бидат наградени од една до три истражувачки приказни, а поединечните награди ќе изнесуваат од 3.000 до 5.000 евра. Процесот на доделување на наградата го администрира партнерството на граѓански организации координирани од Мировниот институт во Љубљана, додека Македонскиот институт за медиуми, како член на партнерството, ќе ги координира активностите поврзани со конкурсот во земјава.

Повеќе информации поврзани со Наградата можат да се најдат на eunagrada@mim.org.mk, а документите за аплицирање (на македонски и албански јазик) се достапни на веб страницата www.mim.org.mk/eunagrada.

Поврзани вести

Во Гевгелија и во Демир Капија измерени 38 степени... Највисока температура денеска е измерена во Гевгелија и Демир Капија 38 степени, во Струмица 36, во Скопје на Зајчев Рид и во Штип 35, во Скопје Петро...
Средба Џафери-Бренде: Поддршка за реформските проц... Претседателот на Собранието на Република Македонија Талат Џафери, денеска имаше средба со министерот за надворешни работи на Кралството Норвешка, Борг...
Утре ќе биде сончево и топло, УВ-индексот ќе има в... Времето утре во Македонија ќе биде сончево и многу топло, со мала до умерена облачност. Попладне ќе има локален развој на нестабилна облачност со поро...
Османи-Пломп: Холандија отсекогаш била еден од нај... Заменик претседателот на Владата задолжен за европски прашања Бујар Османи денеска оствари средба со амбасадорот на Кралството Холандија, Валтер Пломп...
Средба Заев-Бренде: Владата на Македонија отвора н... Претседателот на Владата на Република Македонија, Зоран Заев, придружуван од министерот за надворешни работи Никола Димитров денеска се сретна со Борг...
(ВИДЕО) Поповски: Многу брзо ќе ги започнеме рефор... Министерот без ресор задолжен за комуникации, отчетност и транспарентност, Роберт Поповски на конференцијата „Иднината на комерцијалните терестријални...