Спиењето во ист кревет со партнерот може да биде штетно по здравјето

Спиењето во ист кревет со партнерот може да биде штетно по здравјето

За да го подобрите квалитетот на сонот, треба да се откажете од лошите навики, бидејќи тоа е многу важно за општата здравствена состојба, советуваат француски експерти, кои спровеле анкета по повод одбележувањето на Светскиот ден на сонот – 17 март.

Половина Французи постелата ја делат со партнерот, а четвртина повремено во кревет го примаат своето дете на возраст од две до пет години, поради тоа што е немирно, болно или плаче, но и поради лошите економски околности.

Дури 77 отсто испитаници рекле дека самите избрале да ја делат постелата со партнерот, а третина од нив одговориле дека партнерите спијат одвоено, во друг кревет поради сопствена удобност или да го избегнат ’рчењето на другиот.

– Дури 35 отсто лица ’рчат во сон, но тоа што на другиот партнер обично повеќе му пречи е немирното спиење, вели доктор Жоел Адриен, потсетувајќи дека ’рчењето е позачестено со годините, по обилните оброци и кај дебелите луѓе.

Адриен советува дека за „табуата за спиењето во заедничка постела треба да се разговара со партнерот, бидејќи лошиот сон е чисто страдање… а и лошо влијае на општата здравствена состојба”.

– Разговарајте со партнерот: дали ќе купите поголем кревет или во брачната соба ќе ставите два кревета, а можете да се договорите да спиете во одвоени соби. Квалитетот на сонот е исклучително важен, вели Адриен.

– Да се спие со мало дете е многу лоша идеја, дури и кога е болно, бидејќи праксата може да стане вообичаена, а последиците по автономијата во креветот ќе се чувствуваат подоцна, додава таа.

Третина Французи имаат миленичиња, повеќето кучиња или мачки, а 17 отсто од нив речиси секоја ноќ ги примаат во својот кревет.

Анкетата покажала дека домашните миленици во кревет немаат никакво влијание на сонот на сопственикот кај 61 отсто испитаници, а 13 отсто од нив одговориле дека им го подобрува сонот. Речиси 30 отсто учесници во истражувањето одговориле дека присутноста на нивните влакнести миленици во кревет им пречи и влијае за лош сон.

Адриен потсетува дека треба да се води сметка дека домашните миленици имаат поинаков ритам од своите сопственици.

– Генерално гледајќи за добар и квалитетен сон не е многу добро секогаш да се дели постелата со некого. Но, луѓето имаат различни навики и самите треба да увидат што е најдобро за нив, смета Адриен.

Поврзани вести

Адитивите во храната ја зголемуваат телесната тежи... Бројни истражувања покажуваат дека конзервансите што се наоѓаат во храната имаат штетни дејства врз човековиот организам. Едно истражување покажа ...
Како половина час пешачење влијае на вашето тело и... Половина час дневно веројатно го поминувате на интернет. Половина час го поминувате во сообраќајните гужви. Половина час не знаете што следно да напра...
Откриен е витамин кој спречува спонтани абортуси и... Само еден витамин може да помогне да се спречи развој на вродени недостатоци кај ембрионот и бебето, а тој воедно обезбедува и здрава бременост, откри...
Како да препознаете менингитис: Причини и симптоми... Поради се поголемата изложеност на бактерии на базените и во реките, децата од менингитис често заболуваат во текот на летните месеци, а еве како може...
Како детето да го натерате да јаде овошје и зеленч... Секој родител сака неговото дете да се храни здраво, но тоа не е секогаш возможно. Форсирањето може да предизвика контраефект па многумина порано или ...
Исповед на мајка, чие дете има АДХД... Секој родител се соочил со потешкотијата да се избори со хистериите на своето дете. Може и вам ви се случило детето да почне да плаче во продавница, д...