На саемот на автомобили во Франкфурт деби ќе има новиот модел на „Поло“

На саемот на автомобили во Франкфурт деби ќе има новиот модел на „Поло“

Шестата генерација на „Фолксваген Поло“ премиерата ќе ја има во септември на авто-салонот во Франкфурт, дознава магазинот „Autocar“.

Во однос на актелната генерација, „Поло VI“ ќе ја користи новата механичка платформа MQB A0 и ќе има изменет систем за потпирање и унапредена палета мотори, наведува магазинот.

Кога станува збор за надворешните димензии, новиот „Поло“ ќе биде малку подолг и поширок од претходникот, но и полесен.

Иако се очекува популарниот модел на „Фолксваген“ од „Б“ сегментот да има еволутивен дизајн во однос на актуелната верзија, новата генерација ќе добие подинамичен изглед и рестилизирани фарови.

За разлика од сестринската „Сеат Ибица“, што светска саемска премиера имаше на салонот на автомобили во Женева, на почетокот на март, а која е достапна само во верзијата со пет врати, новиот „Поло“ ќе има и варијанта и со три врати.

Со оглед на фактот дека „Фолксваген“ планира на купувачите подоцна да им понуди и нов мал СУВ врз основа на „Поло“, неизвесно е дали шестата генерација ќе има и „Крос“ модел.

Што се однесува до моторот, се очекува „Фолксваген“ да го замени стариот 1.4 ТСИ со нов 1.5 ТСИ мотор, што се произведува во опциите со 130 кс и 150 кс. Основната варијанта ќе ја придвижува трицилиндерскиот 1.0 бензинец на „Фолксваген“, што е достапен во варијантите со 65 кс, 75 кс, 95 кс и 115 кс.

Дизел моделот сила ќе добива од унапредениот 1.6 ТДИ агрегат, во повеќе верзии. Се шпекулира и дека во врвот на понудата ќе се најде „Поло ГТИ“ со 2.0-литарски ТСИ мотор, што развива над 200 „коња“.

Поврзани вести

Кои бои на автомобили биле најбарани во 2016 годин... Белата се уште е најпопуларна автомобилска нијанса во Европа, со учество од 29 проценти во продадените нови возила, а по неа следи црната со 19 процен...
Визијата на „Шкода“ за во иднина: Купе кросовер на... Чешкиот производител на автомобили „Шкода“ на престојниот авто-салон во Шангај ќе го претстави концептот „Вижн Е“ со кој ја најавува серијата продукци...
ВИДЕО: Идниот персонален суперавтомобил на Путин... Идниот автомобил на рускиот претседател Владимир Путин е тестиран на замрзнато езеро во Шведска, пишува порталот „Мотор 1“. Во написот се вели дека...
Бe-Ем-Ве го најави моделот М8 за во 2019 година... Повеќе нема никакви дилеми - Бе-Ем-Ве дефинитивно најави дека во 2019 година ќе почне со производство на нова генерација од „Серијата 8“, чиј најмоќен...
ВИДЕО: Каде и зошто речиси нови 120.000 дизел авто... Видеото кое ви го прикажуваме, е од САД, каде што компанијата Volkswagen започна да ги собира проблематичните дизел автомобили. Станува збор за воз...
ВИДЕО: „Сеат Леон Купра“ против шест хаски на замр... Најсилниот автомобил кој компанијата „Сеат“ некогаш го произвела „Леон Купра“, кој има 300 коњски сили, застана на стартната линија со едни од најбрзи...