По најевтиниот автомобил во светот, „Тата“ го создаде и спортскиот двосед „Рацемо“

По најевтиниот автомобил во светот, „Тата“ го создаде и спортскиот двосед „Рацемо“

Индиската компанија „Тата Моторс“ на актуелниот саем на автомобили во Женева го изложи спортскиот автомобил „Рацемо“ во рамки на новиот подбренд „ТАМО“.

Производителот што во светот е најпознат по проектот за најевтиниот сериски модел „Нано“, но и како сопственик на компанијата „Јагуар Ланд Ровер“, одлучи да се испроба во нов автомобилски сегмент.

Првиот спортски двосед на „Тата Моторс“ е реализиран во рамки на новата подмарка „ТАМО“, а е оформен во дизајнерското студио на индиската компанија во Торино.

„Рацемо“ е изработен од патентиран повеќеслоен MoFlex материјал, што првпат се применува во авто индустријата на еден патнички автомобил. Материјалот, со својата структура, овозможува голема слобода во обликувањето на каросеријата.

Новиот модел „Рацемо“ погонот го добива од централно поставениот трицилиндерски 1.2 турбо бензинец, што испоручува 190 кс (140 кW) и 210 Нм максималeн вртежен момент.

Силата врз тркалата се пренесува преку шестбрзински автоматик, а автомобилот до „стотка“ забрзува за околу шест секунди.

Возилото што е прикажано во Женева се уште е во форма на концепт, а „Тата Моторс“ не го соопшти точниот датум за премиера на сериската верзија. Се очекува продукцискиот модел да биде подготвен во 2018 година.

Поврзани вести

Новиот „Сузуки Сфифт Спорт“ пристигнува на саемот ... Компанијата „Сузуки“ спортската верзија на новиот „Сфифт“ ќе ја претстави на 12 септември, на авто-салонот во Франкфурт. Јапонскиот производител, к...
„Тесла“ создава простор за „Модел 3“, ги укинува н... Компанијата „Тесла Моторс“ одлучи да се откаже од најевтината верзија „Модел С“, па ќе направи по уште некоја испорака на верзијата 75, што погон има ...
Уникатниот „Ламборџини Концепт С“ оди на аукција... Уникатниот модел „Ламборџини Концепт С“ ќе биде продаден на аукција во август во Калифорнија. Кога еден „Ламборџини“ ќе се најде на аукција, тоа пр...
„Мерцедес“ ја претставни новата робусна „Х“ класа... Компанијата „Мерцедес“ на светот му ја претстави новата класа и етикетата „Х“, зад која се крие нивната визија на пик-ап возила. Германците одлучиј...
Повторно дизелот… Дајмлер повлекува три мили... Германскиот производител на автомобили Дајмлер соопшти дека доброволно ќе повлече три милиони дизел „мерцедеси” во Европа, за да ги подобри перформанс...
„Нисан Леаф“ ги укинува сопирачките, се ќе биде на... Компанијата „Нисан“ на почетокот на септември ќе ја претстави новата верзија на своето електрично возило „Леаф“, а со него ќе стигне и потегот што мож...