(ВИДЕО) Николовски: Веднаш да се исплатат субвенциите на земјоделците, а Иванов да овозможи нова одговорна Влада!

(ВИДЕО) Николовски: Веднаш да се исплатат субвенциите на земјоделците, а Иванов да овозможи нова одговорна Влада!

„Повикуваме веднаш да бидат исплатени субвенциите за земјоделците.

Вистинското решение и излез од кризата е сепак Ѓорге Иванов веднаш да го даде мандатот на претседателот на СДСМ, Зоран Заев за формирање на новата демократска и реформска Влада.

Не да бега од државата и да ги остава на цедило и земјоделците и цела Македонија, само за да му помогне на Груевски во заштита на криминалните и продолжување на оваа криза.

Досегашната власт во заминување нема капацитет да работи во интерес на граѓаните.

Министерот Цветков прво се оправдуваше дека требало да се направат измени на законите.

Откако стана јасно дека тоа не поминува, сега се оправдува со оставката на директорот на Платежната агенција.

Што правеа досега Платежната агенција и министерот во заминување, за земјоделство Цветков?

Зошто субвенциите не се исплатени како што е законски во текот на 2016-та, календарска година.

Зошто не се исплатени стотици милиони евра останати субвенции од претходните години, сето тоа можеше и мораше да биде направено досега.

Станува збор за субвенции што не им се исплатени и од 2016 година, но и субвенции којшто со години наназад не се исплатени!

Ја разбираме маката на земјоделците.

Граѓаните со право си ги сакаат парите што им следуваат по закон!

Со давањето на мандатот, како што му наложува Уставот, Иванов ќе овозможи да се спроведе тоа што стои во Програмата на новата реформска Влада на граѓаните: редовни согласно нов календар субвенции и зголемени на 160 милиони.

Новата Влада веднаш ќе се зафати со решавање на прашањето на ова огромно задоцнување на исплатата на субвенциите како резултат на криминалните политики на досегашната Влада“, изјави Љупчо Николовски, член на Извршниот одбор на СДСМ.

Поврзани вести

Судот не го замрзна имотот на ВМРО-ДПМНЕ... Судиите од Кривичните совети на Одделението за организиран криминал и корупција при Основен суд Скопје 1 – Скопје одлучиле да не го замрзнат имотот на...
(ВИДЕО) Чокалова-Дервишева: Го сменија статутот за... Претседалката на здружението на приватни лекари на Република Македонија, Лилјана Чокалова Дервишева обвини дека претходниот состав на Лекарската Комор...
Утре ќе биде променливо облачно и нестабилно, темп... Времето утре во Македонија ќе биде променливо облачно и нестабилно, со услови за локално невреме со појава на град и засилен ветер. Утринската темп...
Џафери се сретна со претставничката на УНДП во Мак... Претседателот на Собранието на Република Македонија Талат Џафери денеска оствари средба со претставничката на Програмата за развој на Обединетите наци...
СДСМ Гази Баба: Новата Влада ќе обезбеди нови учил... „Новата реформска Влада ќе обезбеди современи програми и услови за образование на ученици и тој процес ќе се остварува заеднички со новите локални вла...
Заев до Меј: Најостро го осудуваме терористичкиот ... Претседателот на СДСМ, Зоран Заев упати Телеграма со сочувство до британската премиерка Тереза Меј и до граѓаните на Обединетото Кралство на Велика Бр...