(ВИДЕО) Шилегов: Иванов ја напушти државата

(ВИДЕО) Шилегов: Иванов ја напушти државата

Во време кога Македонија се соочува со една од најголемите политички и институционални кризи, креаторот на кризата Ѓорге Иванов реши да замине од државата. Наместо да го послуша ставот на мнозинството граѓани и на меѓународната јавност и да го додели мандатот за составување на нова влада, Иванов под влијание на Груевски, избра да ја продлабочи кризата и да замине во Азербејџан, рече портпаролот на СДСМ, Петре Шилегов.

-Повеќе од три месеци, Македонија е без легитимна Влада. Државен приоритет и во интерес на граѓаните е да се формира нова Влада во Република Македонија.Во отсуство на Иванов, Македонија останува без единствената каква-таква функционална институција. Собранието се уште нема избрано Претседател, а Владата и министрите имаат ограничени ингеренции, вели Шилегов.

Како што изјави тој, ваквото несериозно и опасно однесување, Иванов докажа дека единствената закана по безбедноста и стабилноста на Македонија се токму тој и неговиот ментор Никола Груевски.

Според Шилегов, непочитувањето на мнозинската волја, прекршувањето на Уставот и напуштањето на државата во период на длабока политичка криза, докажуваат дека Иванов е подготвен да ја држи целата држава во заложништво само за да спаси Груевски и неговите неколкумина соработници од одговорност.

Виктор Јованов

Поврзани вести

Иванов на инагурацијата на Вучиќ... Претседателот на Република Македонија, Ѓорге Иванов, вечерва во Белград присуствуваше на свечениот прием по повод инаугурацијата на претседателот на ...
Тешко повредена кавадарчанка откако автомобил удри... Со тешки телесни повреди се здобила вечерва кавадарчанка, родена 1959 година, откако автомобил удрил во неа во новиот центар на Кавадарци, во близина ...
Во Гевгелија и во Демир Капија измерени 38 степени... Највисока температура денеска е измерена во Гевгелија и Демир Капија 38 степени, во Струмица 36, во Скопје на Зајчев Рид и во Штип 35, во Скопје Петро...
Средба Џафери-Бренде: Поддршка за реформските проц... Претседателот на Собранието на Република Македонија Талат Џафери, денеска имаше средба со министерот за надворешни работи на Кралството Норвешка, Борг...
Утре ќе биде сончево и топло, УВ-индексот ќе има в... Времето утре во Македонија ќе биде сончево и многу топло, со мала до умерена облачност. Попладне ќе има локален развој на нестабилна облачност со поро...
Османи-Пломп: Холандија отсекогаш била еден од нај... Заменик претседателот на Владата задолжен за европски прашања Бујар Османи денеска оствари средба со амбасадорот на Кралството Холандија, Валтер Пломп...