Германците повеќе се плашат од Трамп одошто од Путин

Германците повеќе се плашат од Трамп одошто од Путин

Германските граѓани се повеќе загрижени од политиките на претседателот на САД Доналд Трамп одошто од рускиот претседател Владимир Путин покажува анкетата објавена денеска од страна на германскиот јавен телевизиски сервис ЦДФ.

Резултатите од истражувањето спроведено на 15 и 16 февруари покажуваат дека Ангела Меркел која што бара нов мандат за канцелар на изборите во септември треба да внимава на незадоволството од Трамп меѓу гласачите во Германија.

Дури 78 отсто од Германците или 16 отсто повеќе од јануари се загрижени од однесувањето на Трамп на глобалната политичка сцена. За споредба во политките на Путин загрижени се 58 отстоод гласачите, а 40 проценти немаат големи грижи околу актуелната руска политика.

Колку политиките на Трамп имаат влијание на германските политички состојби покажува и резултатот од анкетата, според кој партијата СПД чиј што кандидат за канцелар Мартин Шулц отворено го критикуваше Трамп како безбедносна закана е поприфатлив за јавноста од Меркел, а неговата партија за само еден месец добила 6 отсто поголема поддршка.

Сега ЦДУ/ЦСУ има 34 отсто рејтинг или 2 отсто помалку од јануари наспроти 30 проценти за СПД. Во јануари разликата во рејтингот меѓу двете најголеми германски партии била 36 отсто наспроти 24 проценти во корист на сестринскиот блок ЦДУ/ЦСУ на Ангела Меркел.

Според анкетата довербата во партијата „Левица“ паднала за 3 отсто и сега е на ниво од 7 отсто, а намалување на рејтингот има и кај „Зелените“ и кај антиимигрантската „Алтернатива за Германија“ кои што сега имаат 9, односно отсто доверба кај гласачите.

Поврзани вести

Во судири меѓу либиските милиции загинаа 78 лица, ... Во вчерашните судири меѓу либиските милиции во Триполи најмалку 78 лица загинаа и над 1.000 се повредени, соопштија денеска локалните здравствени влас...
Макрон го повика Трамп да него напушта Парискиот д... По завршувањето на самитот на Г-7 во Таормина, францускиот претседател Емануел Макрон, најде избрани зборови за Доналд Трамп, и покрај тоа што америка...
Бела куќа: Трамп останува посветен на принципот за... Американскиот претседател, Доналд Трамп, останува ангажиран во почитувањето на член 5 од Договора за НАТО, денеска пред медиумите изјави советникот за...
Ирачката полиција им забрани на жените од Мосул да... Полицијата во ирачкиот град Мосул денеска на жените од градот им забрани да носат „никаб“, покривката за целото лице на жената, и тоа во реоните ослоб...
„Шпигел“: Германија уште две недели ќе почека на п... Германската Влада му дала рок на турското раководство за две недели да ја смени својата позиција и да дозволи германските пратеници да допатуваат во а...
Ребусот со воената база на САД во Суда на островот... Катимерини - Атина За Грција базата на САД во заливот Суда на островот Крит е еден многу важен геополитички момент. За среќа, грчките политичари...