Тони Блер тргнува во мисија за промена на одлуката на Британците за Брегзит

Тони Блер тргнува во мисија за промена на одлуката на Британците за Брегзит

Поранешниот британски премиер Тони Блер ќе почне мисија за промена на одлуката на Британците за Брегзит.

Во текот на денешнипт ден тој ќе оддржи говор во кој ќе ги истакне аргументите дека напуштањето на Унијата е закана за иднината на Велика Британија, пренесоа британските медиуми.

Премиерката Тереза Меј изјави дека во март ќе го активира член 50 од Лисабонскиот договор и ќе го почне процесот за излез од ЕУ. Плановите се за конечен прекин со ЕУ, вклучувајќи го и излегувањето од заедничкиот европски пазар. Меј ги предупреди британските политичари да не го попречуваат Брегзитот.

Но, во рамки на своето прво политичко појавување по референдумот од јуни минатата година Блер денеска ќе повика на обединување на противниците на Брегзитот, изјавувајќи дека при изјаснувањето на референдумот не било доволно јасно што значи да се поддржи излезот, како и дека владата го фатила курсот кон „Брегзит по секоја цена“.

-Луѓето гласаа без да знаат какви се вистинските последици на Брегзитот. Со времето, меѓутоа, овие последици стануваат се појасни и затоа нивно право е да ја сменат својата одлука, ќе наведе Блер во својот говор пред проевропската организација „Отворена Велика Британија“.

„Нашата мисија е да ги убедиме тоа да го направат“, подвлече тој.

Блер, кој беше британски премиер од 1997 до 2007 година, уште ќе каже дека меѓу ризиците кои ги крие излезот од ЕУ, е и прашањето за распад на Велика Британија, кој, според него, „повторно е на маса“.

Поврзани вести

ХРВ: Џихадистите од ИД силувале и мачеле и сунитск... Џихадистите од Исламска држава силувале и мачеле не само жени од малцинството Јазиди, туку и сунитски жени, пренесуваат француските медиуми, цитирајќи...
Киргистан ги процени штетите од паѓањето на турски... Владата на Киргистан испрати официјално писмо до Турција, во кое се посочува сумата на материјалните штети нанесени врз земјата откако турскио товарен...
Четворица руски војници загинаа во бомбашки напад ... Четворица руски војници загинаа на 16 феврури, а двајца се повредени од рачно изработена бомба во Сирија, соопшти денеска руското Министерство за одб...
Берлин: Русија го прекршува договорот од Минск... Официјален Берлин смета дека декретот на рускиот претседател Владимир Путин со кој привремено се признаваат пасошите издадени од властитe во отцепенит...
Најмалку 50 лица загинаа во невреме во Авганистан... Најмалку 50 лица загинаа во невреме кое го погоди Авганистан во претходните три дена вклучувајќи и 25 овчари, кои се сметаат на исчезнати, соопшти ден...
Италијанската полиција разби мрежа за снабдување н... Италијанската полиција соопшти денеска дека разбила криминална мрежа за продавање на фалсификувани документи на илјадници мигранти со што тие добивале...