Затуроска: Прогнозите на ЕК најголем доказ за економските политики на ВМРО-ДПМНЕ

Затуроска: Прогнозите на ЕК најголем доказ за економските политики на ВМРО-ДПМНЕ

Извештаите и прогнозите на Европската комисија (ЕК) се најголем доказ дека економските политики на Владата предводена од ВМРО-ДПМНЕ кои беа спроведувани во изминатиов период вродуваат со плод и креираат стабилен раст и развој, истакна денеска на прес-конференција Лилјана Затуроска од ВМРО-ДПМНЕ.

– ЕК ја објави својата годишна економска прогноза која го вклучува прогнозираниот раст на БДП и намалувањето на невработеноста за Република Македонија. Македонската економија како и претходната година така и сега од страна на ЕК е оценета како стабилна, со прогнозиран раст на БДП од 3.2%, што е еден од највисоките растови во Европа и очекуван пад на невработеноста која се прогнозира да падне на најниски досега 22%, што е идентична на таргетот на Владата предводена од ВМРО-ДПМНЕ поставен за периодот до 2018-та година, рече Затуроска.

И покрај, како што кажа, вештачки креираната криза од страна на СДСМ која имаше и за цел да го отежни економскиот раст во Република Македонија, ВМРО-ДПМНЕ успеа да ја одржи економијата во правилна насока и да обезбеди економска стабилност и просперитет.

Покрај ЕК, потсети Затуроска, прогресот на Македонија е забележан и од Светска Банка во извештајот „Дуинг бизнис“.

– Падот на стапката на невработеност и растот на економијата се одлики на успешните мерки спроведени од ВМРО-ДПМНЕ во изминативе 10 години, со промислено делување успеавме невработеноста од некогашните енормни 38% од времето на СДСМ да ги намалиме на сегашните 23,4%, рече таа најавувајќи дека ваквиот тренд на развој на економијата ќе продолжи и во иднина.

Поврзани вести

Во Кумановско 101 апликација на првиот повик за ИП... На годинашниот прв ИПАРД повик кој траеше до 21 јули, во општините Крива Паланка, Куманово, Свети Николе, Ранковце, Младо Нагоричане и Кратово се подн...
Во мај годинава 66,7 отсто од потрошената струја о... Македонија во мај годинава вкупно потрошила 549.074 мегават часови електрична енергија, 4.120 милиони нормални метри кубни природен гас, 442.930 тони ...
Зоран Павловски именуван за државен секретар во Ми... Денеска на предлог на Министерот за економија, Крешник Бектеши, е именуван Зоран Павловски за нов државен секретар во министерството. „Зоран Павло...
ВМРО-ДПМНЕ: Освен долгови граѓаните на Република М... „Граѓаните започнаа да ја чувствуваат катастрофалната економија на СДС на својот грб. Недомаќинската влада на СДС успеа за неполни два месеци да ги...
СДСМ: Расипничкото владеење на ВМРО-ДПМНЕ ја загро... „Ниту едно празно соопштение на ВМРО-ДПМНЕ не може да го сокрие нивното 11 годиншно тајно и расипничко задолжување за луксузирање и криминално богатењ...
ВМРО-ДПМНЕ: Долговите на РМ рапидно и енормно раст... ВМРО-ДПМНЕ во соопштение денеска наведува дека од ден во ден долговите на РМ рапидно и енормо растат и оти СДСM успеа за неполни два месеца граѓаните ...