УЈП: До 25 јануари збирна пресметка за исплатени приходи и придонеси

УЈП: До 25 јануари збирна пресметка за исплатени приходи и придонеси

Најдоцна до 25 овој месец фирмите имаат обврска на работниците да им издадат збирна пресметка за исплатени приходи, платен персонален данок и придонеси за минатата година.

Издавањето на збирната пресметка е законска обврска врз основа на која граѓанинот ќе може точно и навремено да ги пријави приходите во Годишната даночна пријава.

Управата за јавни приходи денеска соопшти дека доколку компаниите до 25 јануари не ги издадат овие збирни пресметки за вработените предвидена е глоба во износ од 3.000 евра во денарска противвредност, а на одговорното лице ќе му биде изречена глоба во износ од 30 проценти од одмерената глоба за даночниот обврзник.

УЈП напоменува дека до 31 јануари по електронски пат фирмите треба да поднесат до Управата за јавни приходи годишен извештај за извршените исплати на граѓани во 2016 година по основ на откуп на земјоделски производи и годишен извештај за извршениот откуп на корисен цврст отпад од физички лица кои не се трговци поединци во 2016 година. Годишен извештај поднесуваат и организаторите на зелен пазар на кој се врши трговија на големо и мало, а до крајот на јануари треба да се поднесе и годишен извештај за извршени исплати на приходи на физички лица во 2016 година, по основ на лични примања, авторски права и права од индустриска сопственост, капитал, имот и имотни права (закупнини), добивките од општи игри на среќа и други приходи за кои аконтацијата на данокот се плаќа по добивка.

– Исплатувачите кои извршиле исплата на приходи од добивки од посебни игри на среќа (игри на среќа во казино, обложувалница и автомат клуб) немаат обврска да поднесат Годишен извештај “ПДД-ГИ“, информира Управата за јавни приходи.

Поврзани вести

Во Кумановско 101 апликација на првиот повик за ИП... На годинашниот прв ИПАРД повик кој траеше до 21 јули, во општините Крива Паланка, Куманово, Свети Николе, Ранковце, Младо Нагоричане и Кратово се подн...
Во мај годинава 66,7 отсто од потрошената струја о... Македонија во мај годинава вкупно потрошила 549.074 мегават часови електрична енергија, 4.120 милиони нормални метри кубни природен гас, 442.930 тони ...
Зоран Павловски именуван за државен секретар во Ми... Денеска на предлог на Министерот за економија, Крешник Бектеши, е именуван Зоран Павловски за нов државен секретар во министерството. „Зоран Павло...
ВМРО-ДПМНЕ: Освен долгови граѓаните на Република М... „Граѓаните започнаа да ја чувствуваат катастрофалната економија на СДС на својот грб. Недомаќинската влада на СДС успеа за неполни два месеци да ги...
СДСМ: Расипничкото владеење на ВМРО-ДПМНЕ ја загро... „Ниту едно празно соопштение на ВМРО-ДПМНЕ не може да го сокрие нивното 11 годиншно тајно и расипничко задолжување за луксузирање и криминално богатењ...
ВМРО-ДПМНЕ: Долговите на РМ рапидно и енормно раст... ВМРО-ДПМНЕ во соопштение денеска наведува дека од ден во ден долговите на РМ рапидно и енормо растат и оти СДСM успеа за неполни два месеца граѓаните ...