„Мерцедес“ подготвува „ѕверка“ од 1.000 коњски сили

„Мерцедес“ подготвува „ѕверка“ од 1.000 коњски сили

Хиперавтомобилот на кој работи германскиот производител „Мерцедес-АМГ“ ќе се нарекува „Проект Уан“ (Project One), а од кај производителот наведуваат дека станува збор за автомобил што во основа ќе претставува возило во ранг на болид на Формула 1, што ќе биде можно да се вози легално по јавните патишта.

„Проект Уан“ ќе има хибриден погонски систем, а една од неговите компоненти ќе ја сочинува бензинскиот В6 турбо агрегат што се користи во трките од „Ф1“ . Бензинецот, што силата ќе ја испраќа на задната осовина, ќе има помош од електромотор што ќе ги придвижува предните тркала.

Вкупната сила на хибридниот погонски систем ќе надминува 1.000 кс (735 кW), а производителот тврди дека станува збор за „веројатно најфасцинантниот спортски двосед што кога било е возен по јавните саобраќајници“.

Се очекува „Проект Уан“ да биде претставен во втората половина на 2017 година, а како можен датум за премиерата се споменува септември и саемот на автомобили во Франкфурт.

Овој ексклузивен спортски автомобил, што е развиен по повод одбележувањето на 50-годишнината на АМГ одделението, според некои информации, ќе биде изработен во само 200 или 300 примероци, додека неговата цена ќе се движи околу 2,4 милиона евра.

Поврзани вести

Хонда го претстави новиот дизелски мотор за Сивик... Хонда претстави и дизелска моторна опција за десетата генерација на Цивик, која на купувачите ќе биде понудена од март идната година. Новата Хонди...
Почнува производството на „Шелби ГТ350Р“ модел ста... Легендарниот тркачки модел, „Шелби ГТ350Р“ од 1965 година, наскоро повторно ќе почне да се изработува со помош на неколкумина ентузиасти кои се заслуж...
Порше не сака да оди на суд, на клиентите им купув... Во еден од најнеобичните вонсудски договори, Порше се обврза на сопствениците на одредени модели на оваа марка во САД да им исплати пари за купување н...
Кинезите од саемот во Франкфурт тргнуваат во поход... Кинескиот автомобилски бренд „Чери“ (Chery) сака да го освои Стариот континент, а првиот нов модел за европскиот пазар ќе го претстави веќе во септемв...
Изум кој го унапредил возењето: 90 години на серво... Без никакви дилеми, системот за сопирање е прв и најважен дел од безбедносните компоненти на возилата, но пред еден век автомобилските сопирачки со ма...
Се продава последниот суперспортски „Форд ГТ40 Род... Единствениот останат оригинален прототип на суперспортскиот „Форд“ од 1960-тите со отворен покрив бара нов сопственик. „Форд ГТ40“ настана со намер...