Продолжуваат активностите во пресрет на Вевчанскиот карневал

Продолжуваат активностите во пресрет на Вевчанскиот карневал

Во Клубот на пензионери во Вевчани денеска ќе биде отворена изложбата на академскиот сликар Ниче Василев, со што ќе продолжат активностите во пресрет на традиционалниот Вевчански карневал.

Музичкиот дел од програмата почнува вечер со настапи на Нокаут, ДНК и Фрајле, а утревечер на програмата се Ефто Пупиноски и Анета Наковска. Новата година ќе биде дочеката со пет минутен огномет и настапот на Пупиноски.

Традиционалното карневалско дефиле под маски почнува утре напладне кога двете василичарски друштва Горна и Долна маала со зетот, невестата, двата ѓаволи, Глупавите Августи и останатите маски инспирирани од актуелните политички и секојдневни случувања во изминатата година ќе продефилираат низ вевчанските улици и ќе ги претстават своите маски. Вевчани ќе наликува на театар на отворено, а секое карневалско издание за вевчанци е доживување и инспирација за изработка на маска за следната година. Вевчанци ќе кажат се, но до дефилето не откриваат во што ќе се маскираат.

После полноќ невестите од двете маали заедно со гостите одат на Вевчанските извори полнат вода со која се прави вевчанскиот кашаник во кој се става паричката. Кај оној што ќе се падне паричката ќе биде среќен и бериќетен во текот на целата година.

Според традицијата, следниот ден Василичарите ќе одат од куќа во куќа каде што има име Васил да му честитаат и околу пладне доаѓаат во центарот на Вевчани каде што ги играат василичарските ора. Манифестацијата ќе заврши со традиционалното палење на маските во центарот на Вевчани, некаде околу 17 часот. Со палењето на маските се верува дека се ослободуваат од злото и дека годината ќе им биде среќна и бериќетна.

Вевчанскиот карневал, кој датира од настанокот на Вевчани, со традиција од околу 15 века симболизира два паралелни света, едниот му припаѓа на пагнаството, а другиот на христијанството. Задолжителни елементи се зетот и невестата кои се симбол на плодноста и продолжувањето на семејството, двата ѓавола, кои се олицетворение на злото и двајцата глупи Августи, кои ги штитат од злото. Со манифестацијата се одбележува христијанскиот празник Св. Василиј Велики или доаѓањето на новата година по стариот, Јулијанскиот календар.

Поврзани вести

Првата ревија на современ грчки филм завршува со „... Со проекција на филмот „Ден за бегство“ вечер од 20.30 часот во киното „Фросина“ во Младинскиот културен центар ќе биде затворена Првата ревија на сов...
Книжевно пладне по повод 30 години од смртта на Жи... Книжевниот свет на Живко Чинго е богат и сите можни толкувања на неговата проза остануваат отворени и постојано повикуваат на нови читања и толкувања,...
Изложба на ликовни творби од ученици во ООУ „Јан А... По повод Деновите на чешката култура во холот на ООУ „Јан Амос Коменски“, отворена е ликовна изложба со творби од талентирани македонски ученици кои у...
Монодрамата „Песни за татковината“ премиерно на сц... На Малата сцена на Народниот театар „Јордан Хаџи Константинов-Џинот“ во Велес на 5-ти април актерот Петар Темелковски премиерно ќе ја изведе монодрама...
Превод на италијанскиот роман „Оваа слобода’ од Пј... Издавачката куќа „Бата прес“ го објави романот „Оваа слобода“ од италијанскиот поет и романсиер Пјерлуиџи Капело, кого книжевните критичари го нареку...
„Скалила кон рајот“ самостојна изложба на Љупчо Бо... Академскиот сликар Љупчо Бојаров на 4 април во Културно информативниот центар во Скопје ќе се претстави со својата 19-та по ред самостојна изложба нас...