Заев- Алтхаузер: Нова силна Влада посветена на реформите, која ќе води реална политика!

Заев- Алтхаузер: Нова силна Влада посветена на реформите, која ќе води реална политика!

Претседателот на СДСМ, Зоран Заев, денеска се сретна со амбасадорката на Р.Германија во Р.Македонија, Кристине Алтхаузер.

Тема на разговорот беше потребата од продолжување на демократските процеси во Македонија и формирање нова, силна, посветена Влада кон реформските приоритети.

– Мнозинството граѓани на Македонија дадоа поддршка за демократска Македонија наспроти режим. Режимот е срушен со пенкало и глас. Исто така, силна поддршка од граѓаните доби концептот на заедништво за којшто се определи СДСМ, наспроти концептот на поделби на досегашната власт. На тоа сме многу горди и сето ова е силен ветар во грб за добрата иднина на Македонија. Граѓаните избраа промени. Сега очекуваат квалитетен живот и развој на државата, рече претседателот Заев.

На средбата беа посочени како клучни препораките во извештаите на Европската комисија и на Рајнхард Прибе.
Разговарано е посебно за потребата од реформа на судскиот систем, според најдобрите практики во регионот и светот, како и околу потребата СЈО целосно да ја заврши својата работа, со цел да се обезбеди функционирање на правдата и правната држава во земјава.

Претседателот Заев оцени дека во Македонија е завршено времето на политичари кои владеат со провокации и реторика на конфликт и навреди кон домашната и меѓународната јавност, како и дека доаѓа време на реална политика во Македонија исклучиво во интерес на граѓаните и на евроатлантските перспективи.

Поврзани вести

Адаптирано возило за здружението на граѓани „Мобил... Адаптирано возило денеска доби здружението „Мобилност“ во кое членуваат лицата со хендикеп од општините Велес, Градско и Чашка. Возилото во вредно...
(ВИДЕО) Јанева: Разговаравме за повеќе случаи, не ... Не разговаравме конкретно за „Пуч“, туку за повеќе случаи кои ги отвори Специјалното јавно обвинителство, рече обвинителката Катица Јанева по средбата...
На Институтот за белодробни заболувања нова опрема... На Институтот за белодробни заболувања со набавката на нова опрема се воведува нова метода за интервентна бронхоскопија со еден тип крио терапија со ш...
(ВИДЕО) Бочварски: Вработените во Железници веднаш... „На Македонија итно и е потребна нова одговорна Влада која вистински ќе се грижи за потребите на граѓаните. Целиот железнички сообраќај веќе трет д...
(ВИДЕО) Андоновски: На Клиниката за гинекологија б... „Овде сме да порачаме дека ваква несериозна власт никогаш повеќе не смее да и се повтори на Република Македонија. Никола Тодоров и здравствените влас...
Двајца повредени и седум приведени по натпреварот ... Две 15-годишни момчиња од Скопје и Кичево, вчера во 13 и 30 часот, биле физички нападнати од група од 20 до 30 лица, најверојатно навивачи на ФК „Шкуп...