Парталов: Општина Струмица навремено и континуирано се справува со снегот и поларните температури

Парталов: Општина Струмица навремено и континуирано се справува со снегот и поларните температури

„Со првите снежни врнежи, општина Струмица, започна со активностите кои во континуитет се реализираат до денеска, а согласно Програмата за одржување на улиците и локалните патишта“ потенцираше на денешната прес конференција, секретарот на општина Струмица, Кирил Парталов.

Тој преку медиумите, ја информираше јавноста за сите активности и преземени мерки за справување со последиците од снежните врнежи и ниските температури во изминатите денови.

– Слободно можам да кажам дека општина Струмица навремено реагира на овогодинешниот снег и поларните температури. Во овој период се чистат сите главни, фреквентни улици во градот, пешачките патеки, како и локалните патишта према сите населени места со цел истите да бидат достапни и проодни, а согласно Програмата за одржување на улиците и локалните патишта во општина Струмица. За таа цел веќе седми ден освен ЈКПД „Комуналец“ Струмица и Територијалната професионална противпожарна единица –Струмица, а од кои се ангажирани 8 возила, ангажирана е и дополнителна механизација на скоро сите градежни оперативи во Струмица со 10 возила. Значи сите улици во градот како и локалните патишта се чистат секојдневно и во континуитет. Освен тоа, екипите на „Комуналец“ дополнително вршат чистење на тротоарите и другите јавни површини во градот.

– Морам да спомнам и за одредени потешкотии со кои се соочува механизацијата при чистењето на улиците, а тоа е дека одредени улици не можеа да бидат соодветно или целосно третирани, односно, исчистени поради паркираните возила на истите. Досега на улиците екипите на ЈПКД „Комуналец“ потрошија околу 20 м2 ризла и 25 тони сол. Локалните патишта до сите населените места се проодни и сообраќајот по истите се одвива непречено. Посебно би го нагласил патниот правец кој од регионалниот пат води према Попчево и Рич, кој патен правец е од регионален карактер и чистењето треба да биде грижа на државните институции, меѓутоа, ние водејќи грижа за сите населени места во општина Струмица, и овој патен правец редовно го одржуваме. На крај би ги повикал и апелирал, сите граѓани, односно, сопствениците или корисниците на објекти, да ја исчистат снежната маса пред овие објекти како и пред своите домови, рече Парталов.

Поврзани вести

Груевски во Малта имал средба со Тобијас Зек... Претседателот на ВМРО-ДПМНЕ Никола Груевски денеска имаше разговор со Тобијас Зек член на германскиот Парламент, член на Советот на Европа, потпретсе...
Конститутивната седница ќе продолжи утре во 11 час... Конститутивната седница која вчера после три месеци продолжи, се одложува за утре во 11 часот. На седницата повторно меѓусебно си дебатираат единствен...
Утре не очекува сончево време со слаб до умерен ве... Времето утре во Македонија ќе биде сончево со слаб до умерен ветер од северен правец. Утринската температура ќе се движи од минус еден до три степе...
Отворени писма од Трифун Костовски до Илија Димовс... Трифун Костовски, претседател на Здружението за општествено економски просперитет ЧОВЕКОТ ПРЕД СЕ испрати отворени писма до пратениците Илија Димовски...
ВМРО-ДПМНЕ: Тео Зомер е лошо информиран за ситуаци... ВМРО-ДПМНЕ писмено реагира на објавата на Ди Цајт. „Поранешниот уредник во весникот „Ди Цајт“ Тео Зомер, очигледно е лошо информиран за ситуацијата...
Ди Цајт: Груевски нема намера да се откаже од ганг... Тензиите во Македонија можат да ескалираат, предупредува весникот Ди Цајт, обвинувајќи го за тоа експремиерот Груевски и неговото одбивање да се откаж...