Огромен пад на бројот на баратели на азил лани во Германија

Огромен пад на бројот на баратели на азил лани во Германија

Германија во 2016 година примила околу 280 илјади нови баратели на азил, што е помалку за една третина од бројот на мигранти што побараа заштите во земјата во 2015 година, кога државата прими 890 илјади бегалци, изјави денеска министерот за внатрешни работи Томас де Мазиер.

Како што јавува дописникот на МИА од Берлин, за разлика од бројот на нови азиланти кои балгодарение на затворање на балканската рута и договорот ЕУ – Турција е во драматичен пад, расте бројот на депортирани мигранти чии барања за азил се одбиени од германските власти.

Миннистерот Де Мазиер не е задоволен од цифрата од 80 илјади луѓе коишто присилно или доброволно биле вратени во матичните земји откако нивните барања за азил биле одбиени.

Според податоците објавени денеска, лани во Германија биле поднесени над 745 илјади барања за азил, но речиси две третини од нив во земјата влегле во 2015 година. Според државите од каде што доаѓаат азилантите најголем број од тие што ги прими Германија од почетокот на бегалската криза се од Сирија, (околу 290 илјади), Авганистан (127 илјади) и Ирак (околу 98 илјади).

Речиси 60 проценти од сите барања за азил се одговорени позитивно по што барателите добиле целосна или делумна заштита согласно германските закони и меѓународните стандарди. Драстичното намалување на нови бегалци во Германија значително ќе ја олесни позицијата на владата во Берлин која се соочува со внатре-владино барање за горна граница за прием на максимални 200 илјади луѓе годишно и обвинувања од крајната десница дека мигрантите можат да ја сменат демографската состојба во земјата.

Поврзани вести

Египетската армија ликвидирала 40 членови на ИСИС... Египетските вооружени сили за време на долгата безбедносна операција на Синајскиот Полуостров, каде што членовите на вооружената група Исламска држава...
Тринаесет мигранти се удавија откако им се преврте... Тринаесет мигранти се удавија во Средоземното море, откако се превртел чамецот во кој се наоѓале. Меѓу загинатите има бремени жени и деца. Шпанската с...
Могерини: Турција и натаму е кандидат за членство ... Турција останува кандидат за членство во ЕУ, наспроти длабоката загриженост поради состојбата во таа земја во поглед на човековите права и владините п...
Австралиски министер поднесе оставка, незнаел дека... Министерот на Австралија, Мет Канаван, поднесе оставка бидејќи неговата мајка го информирала дека можеби има италијанско државјанство, поради што не м...
Доналд Трамп се подготвува да го смени Џеф Сешенс... Американскиот претседател Доналд Трамп се подготвува да го смени државниот обвинител Џеф Сешенс и за тоа веќе разговарал со своите најблиски советници...
„Блиска средба“ на кинески борбени авиони и америк... Два борбени кинески авиони пресретнале американски авион за надгледување, во реонот на Источното Кинеско Море, по што тој се повлекол, соопшти денеска...