Франција се соочува со поголема епидемијата од грип од очекуваната

Франција се соочува со поголема епидемијата од грип од очекуваната

Француската министерка за здравство Мари-Сол Турен денеска на прес-конференција изјави дека состојбата со епидемијата на грип во Франција ќе биде „најверојатно потешка“ од оечкувањата, нагалaсувајќи дека 142 од вкупно 850 француски болници се соочуваат со преоптовареност поради епидемија.

Соочувајќи се со феноменот на „рана” и „интензивна” епидемија, министерката за здравство ги повика сите јавни и приватни болници да ги преразгледаат операциите и пружањето болничка медицинска нега за да се ослободат кревети за заболените од грип, од кој годинава најпогодени се лицата на возраст од над 65 години, јави дописникот на МИА од Париз.

Загриженоста на француските здравствени власти е фактот што епидемијата оди по нагорна линија и се уште не е забележан нејзиниот врв.

До денеска се забележани 398 консултации на 100.000 граѓани поради синдром на грип. Тоа претставува 13 отсто од консултациите на СОС Доктори и збирно, нешто помалку од 6.000 поминување преку ургентните служби на болниците, од кои во 1.035 случаи имало хоспитализација. До денеска беа пријавени 381 сериозни случаи за кои е потребна интензивна нега во болница.

Сепак, врз основа на владините агенции, сезона на грипот 2016-2017 изгледа деликатна со враќањето на вирусот од тип А (Х3Н2), близок до вирусот кој пред две години предизвика зголемена смртност со околу 18.000 луѓе. Но за разлика од зимата 2014/2015, вакцината оваа година е многу подобро прилагодена на вирусот.

Почетокот на епидемијата беше одбележан со смртта на 13 лица, сите во ист пензионерски дом во Лион. Бројот на пријавените жаришта на грип на постари лица во домови е зголемен во последните две недели, во споредба со претходните недели, информира надзорниот орган, со што се потврдува потребата од особено внимание во овие пензионерски домови.

Региони Оверњ-Рона-Алпи и Ил де Франс (парискиот регион) во моментов се најмногу погодени.

Поврзани вести

При превртување на камион во Индија загинаа 16 лиц... Најмалку 16 лица загинаа, а 50 се повредени откако се превртел камионот што ги превезувал. Камионот се удрил во бетонски ѕид на автопат во северна Инд...
Најмалку 15 повредени при пожар во бегалски камп в... Шведската полиција соопшти дека најмалку 15 лица се повредени при пожар што избувнал изминатата ноќ во еден од најголемите бегалски кампови во Шведска...
Трамп: Хилари ги намести изборите во Демократската... Американскиот претседател Доналд Трамп изјави денеска дека изборите за претседател во Демократската партија се „наместени“ во корист на неговата доско...
Пет причини поради кои САД ќе ја изгуби својата сл... Форбс - Њујорк Американските воени стратези предвидуваат дека војската на САД можеби ќе мора да влезе во отворен судир со растечкиот и моќен против...
Лондон: Возач влета во група луѓе, пет лица се пов... Пет лица се пренесени во болница денеска откако возач влета во група пешаци во југоисточен Лондон. Лицето што управувало со автомобилот е уапсено, ...
Иран почна воени вежби во Ормутскиот Проток... Иран денеска почна воени вежби во Ормутскиот Проток во момент кога тензиите со САД ескалираа, откако американскиот претседател Доналд Трамп го предупр...