Мариборски „Вечер“: Босанските Срби повторно ѕвецкаат

Мариборски „Вечер“: Босанските Срби повторно ѕвецкаат

Босанските Срби повторно ѕвецкаат, но овојпат повеќе со зборови, отколку со оружје, наведува мариборскиот весник „Вечер“ во својот осврт на прославата на Денот на Република Српска во Бања Лука.

На манифестацијата во Бања Лука беше и српскиот претседател Томислав Николиќ и некои членови на Владата на Србија, но не и српскиот премиер Александар Вучиќ, кој, како што наведува „Вечер“, во минатото „знаеше да ги заузда политичарите на босанските Срби“.

Љубљанскиот весник „Дело“, потсетувајќи дека со Дејтонскиот мировен договор Србите во БиХ добија свои институции и уставно загарантирана положба на рамноправност и право на заедничко одлучување со другите народи во рамки на државата, оценува дека попустливиот однос на меѓународната заедница кон неуставниот референдум за Денот на Република Српска, може да предизвика и нови плебисцитарни изјаснувања од страна на босанските Срби.

– На дневен ред би можел наскоро да се најде и референдум за отцепување на Република Српска, иако таа настана како резултат на етничко чистење и геноцид, наведува „Дело“, додавајќи дека ако почне да се реализира тоа сценарио, тогаш на „Босна црно и се пишува“.

Љубљанскиот весник „Дневник“ пак во тексот под наслов „Бања Лука не попушти пред Сараево“ наведува дека најспорен момент на прославата на Денот на Република Српска е тоа што на неа беше одржана и смотра на воените единици.

– Интересно е и што на прославата како главен говорник беше избран режисерот Емир Кустурица, кој рече дека Србите во БиХ се најголеми губутници од последната војна, при тоа не споменувајќи ниту еден збор за загубите и страдањата на другите народи, наведува весникот.

Според „Дневник“, по ваквата реторика на Кустурица, кој бошњачкиот член на Претседателството на БиХ, Бакир Изетбеговиќ го нарече „помошник на Луцифер“, говорите на Николиќ и на претседателот на Република Српска, Милорад Додик изгледале „толерантни“.

Поврзани вести

Харадинај бара повеќе време за формирање на новата... Кандидатот за косовски премиер на коалицијата ПАН, Рамуш Харадинај, од граѓаните на Косово побара трпение околу прашањето за формирање на владата. ...
Расте приливот бегалци кон грчките острови... Бројот на бегалци и имигранти кои се движат кон Грција, постојано расте. Само последново деноноќие на островите пристигнале нови 600 луѓе, што се смет...
Курц му префрла на Ердоган за „диктаторско однесув... Австрискиот министер за надворешни работи, Себастијан Курц, му префрли на турскиот претседател Реџеп Тајип Ердоган дека покажува „диктаторско однесува...
Хоџај: Косово се наоѓа во последната фаза од созда... Поранешниот косовски министер за надворешни работи, Енвер Хоџај, тврди дека Косово на крајот од дијалогот со Белград треба да стане членка на ОН и дек...
Русија и Турција го потпишаа договорот за испорака... Договорот за испорака на противвоздишниот ракетен систем С-400 на Турција е потпишан, но се уште не е стапен во сила, изјави денеска директорот на ру...
Потврдени четири случаи на Западнонилска треска во... Во Србија се потврдени четири случаи на заболување од Западнонилска треска, јави Институтот за јавно здравје „Д-р Милан Јовановиќ Батут“, пренесе Танј...