Пунктот во Момин Поток отворен 24 часа до завршување на студениот бран

Пунктот во Момин Поток отворен 24 часа до завршување на студениот бран

Пунктот за бездомни лица во Момин Поток ќе биде отворен 24 часа до завршување на стидениот бран, за прифаќање на лицата кои имаат потреба да бидат згрижени во деновите кога температурите паѓаат под нулата.

Како што информираат од Град Скопје, тимови од пунктот со возило ги преземаат бездомниците од местата каде што се лоцирани, а бездомниците може да го повикаат тимот на телефонскиот број 3139 578 во Дирекцијата на Црвениот крст на град Скопје.

Пунктот за бездомни лица функционира веќе осум години. Тој е отворен преку целата година и лицата два пати неделно може да користат услуги за одржување хигиена, медицинска заштита и лекови, облека, психолошка поддршка, правна помош, фризерски услуги, како и дневен оброк кога лицето е во пунктот. Во 2010 година од буџетот на Град Скопје се набавени и целосно опреми два контејнера со 16 кревети и бања.

Досега, со поддршка на Град Скопје, 8 лица се работно ангажирани во јавните претпријатија. Оваа практика, како што информираат од Град Скопје, е планирано и во иднина да продолжи и да им помага на оваа категорија граѓани. Црвен крст на Град Скопје, кој е координатор на активностите на Пунктот за бездомни лица во Момин Поток, секоја година е поддржан со 500.000 денари од буџетот на Град Скопје.

Градот Скопје, како што се наведува во соопштението, и во иднина од буџетот ќе издвојува средства за финансирање на овој пункт и за проширување на неговите капацитети, односно за помагање на оваа катергорија граѓани и на сите граѓани коишто имаат потреба да бидат згрижени.

Поврзани вести

Заврши  расправата за разрешување на Марко Зврлевс... Заврши дебатата за разрешување на Јавниот обвинител Марко Зврлевски. Продолжението ќе биде дополнително закажано. Координаторот на една од пратенич...
Мицкоски: Извршниот комитет предложи пет кандидати... Христијан Мицкоски од ВМРО-ДПМНЕ денеска на прес-конференција изјави дека ВМРО-ДПМНЕ била во полна кондиција пред локалните избори, заокрожувајќи ги с...
Богоевски: Реформите во МВР и во државните институ... Павле Богоевски денеска во изјава за медиумите рече дека за разлика од претходната практика на раководството на прикривање и заташкување на прекумерна...
Потврдено постоење на пет неолитски градби на лока... Истражувањата на археолошкиот локалитет Врбјанска Чука се завршени и во рамки на ископувањата е потврдено постоење на пет неолитски градби во простор ...
Околу 1.300 кандидати аплицирале за упис во прва г... Околу 1.300 идни студенти аплицирале на факултетите и академиите на универзитетот „Гоце Делчев“-Штип во рамки на првиот уписен рок, во текот на измина...
Илиоски: СДСМ е против европска, ефикасна админист... Зоран Илиоски од ВМРО-ДПМНЕ денеска на прес-конференција рече дека СДСМ не сакале професионална и компетентна администрација и не сакале администрациј...