„Ламборџини“ го проби плафонот- во 2016. ја имаше најдобрата продажба во историјата

„Ламборџини“ го проби плафонот- во 2016. ја имаше најдобрата продажба во историјата

Италијанскиот производител на суперспортски автомобили „ламборџини“ на купувачите во 2016 година им испорача 3.457 возила, со што го забележа новиот продажен рекорд на сите времиња.

Минатата година беше шеста година по ред во која „Ламборџини“ бележи раст во продажбата, а по првпат во својата 54-годишна историја за 12 месеци беа испорачани повеќе од 3.400 автомобили. Резултатот е уште поимпресивен кога ќе се има во предвид дека „Ламборџини“ во својата гама практично има само два модела – „Авентадор“ и „Хуракан“.

„Хуракан“ во 2016 година стигна до 2.353 нови сопственици, додека „Авентадор“ се најде во гаражите на 1.104 купувачи. Паралелно со овој продажен резултат, во декември беше одбележен и мал јубилеј – од производните ленти се симна 6.000 примерок на „Авентадор“.

Најважниот поединечен пазар и натаму се САД, каде во 2016 година беа пласирани 1.041 модели на „Ламборџини“.

За ваквиот комерцијален успех на „Ламборџини“ заслужна е матичната компанија, германскиот „Фолксваген“. Имено, пред преземањето од страна на „Фолксваген“, во 1999 година, „Ламборџини“ годишно изработуваше само неколку стотину возила.

Италијанскиот производител очекува трендот на раст на продажбата да продолжи и во 2017 година, додека во 2018 година бројот на испорачани возила треба драматично да нарасне, благодарение на воведувањето на новиот модел, СУВ-от „Урус“.

Поврзани вести

Електричниот „Опел“ може да мине и до 520 километр... „Опел“ соопшти нови детали за својот електричен модел „Ампера-е“. Производителот потврди дека електромоторот на „Ампера“ развива 204 коњски сили (...
„Панамера Турбо Хибрид“ е најсилниот сериски модел... Со вкупна комбинирана сила од 680 кс, новиот „Порше Панамера Турбо СЕ-Хибрид“ воедно е и еден од најбрзите модели во понудата на овој германски произв...
На продажба е лимузина која припаѓала на Доналд Тр... Ако сте богати и сакате да имате нешто што некогаш припаѓало на американскиот претседател Доналд Трамп, сега имате можност да ја купите неговата лимуз...
Најголема доверба за „Лексус“ и „Порше“, „Фиат“ на... „Лексус“ и „Порше“ се најдоверливи марки на автомобили во САД оваа година, а „Фиат“ е на дното на овогодишната листа на советничката компанија „Џеј Ди...
„Мерцедес“ го слави 40. роденден на моделот „ Ц123... Во далечната 1977 година на саемот за автомобили во Женева, првпат беше изложена купе верзијата на познатата лимузина „Мерцедес W123“. За разлика о...
Најбрзиот „Камаро“ на сите времиња што развива 318... Најбрзиот „Камаро“ на сите времиња ја има ознаката ЗЛ1 и престанува со забрзувањето кога стрелката на брзиномерот ќе застане на бројот 318, тврдат изв...