СДСМ: Граѓаните ќе контролираат за што се трошат нивните пари!

СДСМ: Граѓаните ќе контролираат за што се трошат нивните пари!

„Граѓаните ќе имаат целосна контрола во трошењето на нивните пари, што преку даноците и другите давачки се слеваат во Буџетот!

За ова граѓаните гласаа и така мора да работи и ќе работи новата Влада.

Ниту еден денар од Буџетот на Република Македонија нема да се троши своеволно и тајно, како што тоа до денес го прави Владата во заминување.

Ќе има целосна транспарентност околу начинот и целта на трошењето на парите на граѓаните, а не како, на пример, вчерашното задолжување што го направи министерот за финансии во заминување Кирил Миноски. Граѓаните знаат дека доспеале за плаќање обврски од 15 милиони евра, но не знаат зошто Миноски ги задолжи 30 милиони евра и каде и за кого ќе одат нивните пари, затоа што тој одлучи да крие.

На изборите на 11 декември граѓаните кажаа дека не сакаат неодговорни политичари, криминалци и институции што работат во служба на партии и лични интереси на функционери.

Во Планот за живот во Македонија СДСМ се обврза пред граѓаните дека секој граѓанин ќе може преку својот компјутер да ги следи сите државни трошоци, во моментот кога тие се реализираат. Сите државни институции и буџетски корисници ќе имаат обврска јавно да ги објавуваат своите финансиски извештаи. Буџетот ќе се носи по квалитетни јавни дебати. А криењето на јавниот долг ќе биде кривично дело.

Во демократска држава, во каква што избраа граѓаните да живеат, институциите мора да работат во служба на граѓаните и мора да го прават тоа јавно и отчетно.

Промените се незапирливи, доаѓа таков живот во Македонија! Од оваа 2017 почнуваме да го создаваме животот што го избравме“, се вели во соопштението на СДСМ.

Поврзани вести

ММФ начелно одобри кредит од 1,6 милијарди евра за... Советот на директори на ММФ постигна принципиелна согласност на Грција да и се даде правото да користи кредит од 1,6 милијарда евра (1,8 милијарда дол...
ВМРО-ДПМНЕ: Граѓаните не треба да плаќаат за врабо... „Во целата кампања која што ја водеше СДС се говореше и ветуваше едно, а сега се прави спротивното. Со предложениот ребаланс на буџетот планираат ...
Маасикас: Клучот за вонреден извештај и препорака ... Можноста за вонреден извештај за Македонија и чиста препорака за преговори зависи од проценките на ЕК. Клучот за тоа е во Скопје, во спроведувањето на...
Поповски-Прибе: Владата ќе создаде демократски амб... Министерот без ресор во Владата на Република Македонија, задолжен за комуникација, отчетност и транспарентност, Роберт Поповски, денеска имаше средба ...
СДСМ: Амандманите на ВМРО-ДПМНЕ за Буџетот се дока... СДСМ со писмено соопштение реагира на прес-конференцијата на Илија Димовски од ВМРО-ДПМНЕ. „Со стотиците поднесени амандмани на Буџетот што е донес...
ВМРО-ДПМНЕ: Паушални и неточни бројките на Тевдовс... Опозициската ВМРО-ДПМНЕ тврди дека министерот за финансии Драган Тевдовски на денешната прес-конференција за неплатените обврски на државните институц...