Почнува СП во ракомет, Македонија по петти пат учесник на Мундијалите

Почнува СП во ракомет, Македонија по петти пат учесник на Мундијалите

Со натпреварот меѓу домаќинот Франција и Бразил вечер во Нант стартува 25. Светско ракометно првенство кое ќе се игра до 29 јануари. Натпреварите ќе се играат во осум градови: Париз, Лил, Монпеље, Албервил, Брест, Нант, Мец и Руен.

Ќе учествуваат вкупно 24 земји поделени по шест во четири групи. По петти пат на Мундијалите ќе настапи и македонската репрезентација.

Македонија е во Б-групата заедно со Шпанија, Исланд, Словенија, Ангола и Тунис. Средбите од оваа група ќе се играат во Мец.

Покрај Франција и Бразил, во А групата се: Полска, Русија, Јапонија и Норвешка.

Ц-групата ја сочинуваат: Хрватска, Германија, Унгарија, Белорусија, Чиле и Саудиска Арабија.

Група Д: Данска, Шведска, Катар, Египет, Аргентина и Бахреин.

Првите четири пласирани од секоја група ќе продолжат во осминафиналната фаза која е елиминациска.

Македонија која на ова СП ќе биде предводена од селекторот Лино Червар стартува утре против Тунис, со Ангола игра на 14 јануари, со Словенија на 16 јануари, против Шпанија на 18 јануари, а групната фаза ја завршува со Исланд на 19 јануари.

Најдобар пласман во досегашните учества на Мундијалите, македонските репрезентативци изборија во Катар 2015 година кога беа деветти.

Поврзани вести

Металург со победа го заврши настапот во СЕХА лига... Македонскиот ракометен вице-првак Металург славеше победа над словенечкиот шампион Горење Велење во натпреварот од регионалната СЕХА лига. На сре...
Металург го игра последниот натпревар на домашен т... Македонскиот ракометен вицепрвак Металург попладнево го игра последниот натпревар на домашен терен во СЕХА лигата. Во Скопје ќе гостува словенечкиот т...
Лазаров: Македонија има загарантирана иднина за сл... - Не сум таков тип кој е задоволен од мали нешта. Дури често знам да претерам и да не бидам реален. По еден месец од завршувањето на Мундијалот можам ...
Червар: Ќе се обидеме да го надмудриме тимот на Го... Тренерот на Металург Лино Червар е претпазлив пред утрешниот дуел со Горење од Велење во рамките на регионалната СЕХА лига. - За нас Горење е незго...
Лакрабер и следната сезона ќе настапува за Вардар... Француската ракометарка Александра Лакрабер и македонскиот шампион Вардар договорија нова едногодишна соработка. Десниот бек ќе остане дел од тимот и ...
Штербик и Дибиров во тимот на колото... Вардар се врати победнички од Унгарија по триумфот над ПИК Сегед, а дополнителна награда за вардарци е изборот на Арпад Штербик и Тимур Дибиров во иде...