ВМРО-ДПМНЕ: Министерството за финансии успешно менаџира со државните финансии

ВМРО-ДПМНЕ: Министерството за финансии успешно менаџира со државните финансии

Каматата за денешното задолжување, преку издавање на државните хартии од вредност изнесува 2.4отсто и претставува најниска каматна стапка која Министерството за финансии ја добила во последните неколку години, што е пример за успешно менаџирање со државните финансии и водењето финансиска политика, се наведува во реакцијата на ВМРО-ДПМНЕ на обвинувањата на СДСМ за новите задолжувања на Министерството за финансии.

Како што наведуваат од ВМРО-ДПМНЕ, државните хартии од вредност, како финансиски инструмент за финансирање на буџетскиот дефицит, ги воведе токму СДСМ кога беше на власт.

– За разлика од времето кога ВМРО-ДПМНЕ е на власт и управува со државните финансии, секогаш кога СДСМ е на власт домаќинското работење е стран поим, а државните хартии од вредност се издаваат за камати кои се надвор од секаква економска логика и изнесуваат петкратно повеќе од сегашните 2.4 отсто, односно изнесуваа фантастични 11 проценти. Токму ваквите и слични манипулации, пропратени со писмата кои СДСМ ги праќаше до странските кредитори, еднаш го одложија издавањето на минатогодишната еврообврзница, за на второ закажаната лицитација, државата како резултат на финансискиот тероризам на СДСМ да плати цели 25 милиони евра повеќе од првично предвидените пари. Пари кои ќе останеа во државната каса, доколку не беше политичко-финансискиот дилетантизам на СДСМ, се посочува во соопштението.

Според ВМРО-ДПМНЕ, токму недомаќинското управување со државните финансии и раскрчмувањето на државниот капитал се главните причини зошто СДСМ е опозиција веќе 10 години, а ќе остане, се наведува, и наредните четири години.

Поврзани вести

Министерството за финансии објави „Граѓански буџет... За да државниот буџет биде подостапен и транспарентен за граѓаните, тимот од Министерството за финансии изработи Граѓански буџет, во кој на начин близ...
Стаменковска: СДСМ го крати планираното зголемувањ... Невенка Стаменковска од ВМРО-ДПМНЕ денеска во изјава за медиумите рече дека СДСМ ги лаже пензионерите во Македонија и дека тие немале да добијат покач...
Просечната нето-плата во јуни 22.808 денари... Просечната месечна исплатена нето-плата по вработен во Македонија, во јуни годинава, изнесувала 22.808 денари и во однос на јуни лани била поголема за...
ВМРО-ДПМНЕ: Граѓаните СДСМ ја паметат по уништувањ... ВМРО-ДПМНЕ со писмено соопштение реагира на соопштението на СДСМ во кое се вели дека ќе се изедначат условите за домашните и странските инвеститори. ...
СДСМ: Со ребалансот на буџетот домашните инвестито... „Заврши времето во кое претходната власт предводена од ВМРО-ДПМНЕ ги потценуваше домашните фирми и ги ставаше во подредена положба на странските инвес...
Косово е втора земја во светот по невработеност на... Според Централната разузнавачка агенција (ЦИА), Косово е втора земја со највисока стапка на невработеност кај младите лица во светот, по Босна и Херце...