ВМРО-ДПМНЕ: СДСМ десет години го критикува РЕК Битола и се потсмева со вработените

ВМРО-ДПМНЕ: СДСМ десет години го критикува РЕК Битола и се потсмева со вработените

СДСМ уште еднаш во обид да извлече ситни дневно политички поени критикува неосновано и се служи со лаги и манипулации за да дојде до некој ситен политички поен.

Прво, обвинува за нетранспарентност при процесот на набавка на електрична енергија, па самиот се демантира лиферувајќи веќе јавно објавени документи од АД ЕЛЕМ.

СДСМ десет години го критикува РЕК Битола и се потсмева со вработените во комбинатот кои деноноќно работат за да овозможат континуирано производство.

Станува збор за прв застој на ТЕ Битола 3 после речиси половина година со оглед дека овој капацитет во континуитет испорачуваше електрична енергија од август минатата година.

СДСМ треба да знае дека поради временските околности состојбата со снабдувањето и со производството на електрична енергија е значително отежнато во речиси сите земји во регионот и пошироко. Тие фактори директно ја диктираат цената на електричната енергија на берзите во Европа, а не ЕЛЕМ. Но, тоа се политизира само кај нас во Македонија за да се создаде тензија кај народот и со тоа СДСМ да заработи ситни политички поени.

После завчерашниот блам дека се крие набавката на електрична енергија, иако за целата постапка јавноста беше информирана преку прес конференција, како и редовно преку веб страна на АД ЕЛЕМ, СДСМ се обидува да оди чекор подалеку и секој евентуален прекин на електрична енергија на нисконапонска мрежа да го адресира кај РЕК Битола, како дежурен виновник.

Не е првпат Македонија да ги дополнува потребите поради зголемена потрошувачка особено во зимските месеци, но СДСМ тоа сега се обидува да го скандализира, како што впрочем се обидува да скандализира и се друго.

ЕЛЕМ во изминатите неколку дена успеа да набави електрична енергија по цени пониски од оние според кои во моментов се продава електричната енергија на берзите во Европа. СДСМ после изборите, очајно се обидува да бара проблеми таму кај што ги нема за да го сокрие 10-от јубилеен пораз од народот, реагира ВМРО-ДПМНЕ.

Поврзани вести

Самит на ЕУ: Економијата оди на подобро... Шефовите на држави или влади од Европската унија на денешниот состанок во Брисел заклучија дека мора да се прекине мигрантскиот бран во Европа. Тие...
Дијалог за минимална плата – предложено мини... Министерот за финансии Драган Тевдовски, министерката за труд и социјална политика Мила Царовска, заменик министерката за финансии Ширет Елези и еконо...
Земјоделците бараат прогласување елементарна непог... Да се прогласи елементарна непогода за житните култури на територија на целата држава поради сушата која предизвика намалени приноси на јачменот за 70...
Почна дијалогот за зголемување на минималната плат... Околу проектираната минимална плата од 12.000 денари што беше и предизборно ветување, не треба да постои дилема, за тоа ќе има пари во ребалансот на Б...
Мицкоски: Целокупната тендерска документација ќе б... Раководството на АД „Електрани на Македонија“ целокупната тендерска документација како комерцијална така и техничка ќе ја стави на увид на јавноста, и...
Николовски: Од вторник се очекува да продолжи испл... Во вторник идната недела се очекува да продолжи исплатата на субвенциите од 2016 година. Сите пречки за реализација на преостанатите 25 милиони евра з...