Охрид се подготвува за Водици

Охрид се подготвува за Водици

Во Охрид привршуват подготовките за прославувањето на големиот верски празник Богојавление – Водици и Денот на рибарите (Свети Јован), датуми од календарот што привлекуваат поголем број гости во градот надвор од главната туристичка сезона.

Градоначалникот Никола Бакрачески информира дека се одржани состаноци со Координативното тело за техничка организација на празниците, а веќе се консултирани и претставници на МПЦ од Дебарско-кичевската епархија околу верскиот дел на прославата.

– Ќе биде истатата организација како и минатата година и покрај општинските служби и јавни претпријатија, ќе бидат вклучени и сите оние здруженија и институции кои постојано помагаат околу настанот, меѓу кои општинскиот Црвен крст, Нуркачкиот центар „Амфора“, Капетанија, СВР Охрид,…, изјави Бакрачески, повикувајќи ги граѓаните масовно да се вклучат во одбележувањето на празникот, а туристичките работници подготвено да им излезат во пресрет на барањата на бројните најавени гости.

Во врска со верскиот дел на празнувањата, Илија Ристески од Дебарско-кичевската епархија истакна дека на Водици како и секоја година ќе се врши утрена богосслужба и божествена литургија во сите парихиски цркви.

– Потоа верниците од сите парохиски цркви масовно заедно со свештениците се упатуваат на Градското пристаниште кеде ќе се осветуваат водите на Охридското Езеро а потоа ќе се положи и чесниот крст, изјави Ристески.

Фрлањето на Чесниот крст во Охридското Езеро е планирано за 10 часот, кај Градското пристаниште.

Годинава е екстремно ниска температурата на водата во езерото. Денеска достигна 5,8 степени целзиусови, а наместа има и смрзнати делови во крајбрежните појаси. Затоа од Општинската организација на Црвениот крст апелираат, верниците што планираат да влезат во вода по светиот крст претходно да направат превентивен здравствен преглед.

– Не памтам години наназад да сме имале толку ниска температура, била над 6 или 7,5 степени. Оваа година е најниска и со оглед на многу студеното време, не очекувам дека ќе има загревање. Токму за празникот Богојавление Водици треба посебно внимание, порача Сашо Точков претседател на општинскиот „Црвен крст“.

Празникот Богојавление е поврзан со крштевањето на Исус Христос во водите на реката Јордан од Свети Јован, кој оттогаш се нарекува Крстител, а фаќањето на крстот означува соединување на човекот со Христа. Тој важи за еден од најголемите христијански празници. Со него завршуваат 12-те т.н. некрстени денови и циклусот зимски празници како Бадник, Божик, Нова Година (Василица),… На Богојавление на полноќ се верува дека се отвора небото, се појавува Бог, а луѓето му се обраќаат за да им ги исполни нивните желби. Во тој миг водите престануваат да течат и стануват лековити.

Поврзани вести

Заврши  расправата за разрешување на Марко Зврлевс... Заврши дебатата за разрешување на Јавниот обвинител Марко Зврлевски. Продолжението ќе биде дополнително закажано. Координаторот на една од пратенич...
Мицкоски: Извршниот комитет предложи пет кандидати... Христијан Мицкоски од ВМРО-ДПМНЕ денеска на прес-конференција изјави дека ВМРО-ДПМНЕ била во полна кондиција пред локалните избори, заокрожувајќи ги с...
Богоевски: Реформите во МВР и во државните институ... Павле Богоевски денеска во изјава за медиумите рече дека за разлика од претходната практика на раководството на прикривање и заташкување на прекумерна...
Потврдено постоење на пет неолитски градби на лока... Истражувањата на археолошкиот локалитет Врбјанска Чука се завршени и во рамки на ископувањата е потврдено постоење на пет неолитски градби во простор ...
Околу 1.300 кандидати аплицирале за упис во прва г... Околу 1.300 идни студенти аплицирале на факултетите и академиите на универзитетот „Гоце Делчев“-Штип во рамки на првиот уписен рок, во текот на измина...
Илиоски: СДСМ е против европска, ефикасна админист... Зоран Илиоски од ВМРО-ДПМНЕ денеска на прес-конференција рече дека СДСМ не сакале професионална и компетентна администрација и не сакале администрациј...