Објавена книгата „Македонија – живот и предели“ од група германски автори

Објавена книгата „Македонија – живот и предели“ од група германски автори

Книгата „Македонија – живот и предели“ од група германски автори ја објави Друштвото за издавачка дејност „Македоника“ од Скопје.

Книгата е во превод од германски јазик на Слободанка Поповска, а со предговор за германската македонистика пред, за време и по Првата светска војна на проф. д-р Волф Ошлис.

Оваа книга содржи текстови за Македонија од германски автори кои неа ја истражувале за време на Првата светска војна или по разни поводи потоа пишувале за Македонија. Трудовите се однесуваат на Македонија и на нејзиното население, обичаите, етнографијата, земјата, историјата… Во овој зборник, меѓу другото, делумно е објавена „Етнографија на Македонија“ (1924) на Густав Вајганд (1860-1930, раководител на Македонската земска комисија) и дел од зборникот „Македонија – животот и сликата на пределот“, подготвен од Херберт Ертел, а од кој, освен негов текст, преземени се текстови на Герхард Геземан, Јозеф Берге, Јозеф Мерц, Алојз Шмаус и Ханс Ерке.

Во книгата се објавени и 137 фотографии од германски војници или истражувачи, снимени во Македонија за време на Правата светска војна и во периодот меѓу двете светски војни.

Како резултат на германските проучувања на Македонија во минатото, а првенствено во периодот на Првата светска војна, кога со логистичка поддршка на германската војска на територијата на Македонија истражувала групата германски научници позната како „Македонска земска комисија“, по војната во Германија се објавени неколку публикации посветени на Македонија.

Поврзани вести

Претстави од Романија и од САД вечерва на „Битола ... Куклениот театар Цндарика од Романија со „Сонот на летната ноќ“ и гостите од САД Лит Мун со експериметална поставка на „Ричард Трети“ ќе се претстава...
Најавена итна санација на Галеријата на икони во М... Просторијата во која е сместена Галеријата на икони во Музејот на Македонија поради оштетеност и небезбедност ќе биде санирана, а вредната збирка од 1...
Промовирана книгата „Почувствувај ја Македонија со... Kнигата „Почувствувај ја Македонија со шестото сетило - срцето“ од Вера Стојчевска Антиќ е промовирана денеска во конференциската сала на Соборниот хр...
Објавена монографија за Прилеп и Прилепско во 19 в... Излезе од печат монографијата „Прилеп и Прилепско во 19 век (културно-историски процеси)“ од д-р Славчо Ковилоски. Акцентот е ставен на просветното и ...
Дела од Струмичката ликовна колонија во Крива Пала... Во Националната установа Центар за култура во Крива Паланка од синоќа се изложени делата од 53-та меѓународна Струмичка ликовна колонија. - Изложб...
Наградата „Крсте Чачански“ за „Смртта долетува нас... Наградата „Крсте Чачански“ за необјавена книга раскази, годинава ја доби ракописот „Смртта долетува насмевната“ на Стефан Марковски. Седми пат наград...