Целосно обновена и конзервирана црквата „Св. Пророк Илија“ во Дојран

Целосно обновена и конзервирана црквата „Св. Пророк Илија“ во Дојран

Целосно е реализиран проектот за обнова и конзервација на црквата „Св. Пророк Илија“ од 19 век, која е своевиден симбол на градот Дојран, информираат од Министерството за култура.

– Проектот за заштита на овој значаен споменик на културата се реализираше во шест фази, и тоа најпрвин беше направена конзервација на оригинално зачуваните делови од подната покривка на црквата и реставрација на партиите што недостигаат, по што беше целосно оформен подот на црквата. На овие конзерваторско- реставраторски активности претходеше археолошко истражување на просторот под подното ниво, со што беа откриени постари сакрални градежни структури, појаснуваат од Министерството.

Во третата фаза се извршила конзервација и реставрација на источната фасада од црквата, а паралелно се одвивале реставраторско-санациски работи на внатрешните ѕидови на објектот, оформување на отворите за прозорци и врати, како и финални работи на подот и на скалишниот простор од нартексот. Во 2015 година било извршено малтерисување на внатрешноста на црквата, а кон крајот на минатата година биле реализирани и завршните фази од овој проект.

За целосната обнова на црквата „Св. Илија“ преку Националната установа Завод за заштита на спомениците на културата и музеј Струмица, во неколку буџетски години, Министерството издвоило средства во висина од околу четири милиони денари.

Црквата е изградена во 1848 година година со доброволни прилози од дојранските верници. Главен архитект бил Ѓорѓе Новаков од велешкото село Папрадиште, а била разурната и ставена надвор од употреба во текот на Првата светска војна. Со својата должина од 30 метри, широчина од 20 метри и висина од 10 метри, црквата претставува значаен и вреден архитектонски пример, кој има извонредна акустичност во својата внатрешност.

Поврзани вести

Повик за учество на ликовни уметници на групна изл... До први септември е отворен повикот на Здружението за култура „Транзен“ за учество на ликовни уметници на групната изложба „Несовршен простор“ на која...
Од 19 до 25 август осмиот „МакеДокс“... Осмото издание на Фестивалот на креативен документарен филм „МакеДокс“ ќе се одржи од 19 до 25 август 2017 година во, и на платото пред, Куршумли-ан в...
Кумановската библиотека го збогати книжниот фонд с... Кумановската библиотека „Тане Георгиевски“ набави нови лектири за потребите на основците и средношколците во Куманово, информираше денеска директорот ...
Дарко Лешоски се повлече од Струшките вечери на по... Дарко Лешоски се откажа од позицијата претседател на УО на Струшките вечери на поезијата, откако неговото назначување на таа позиција предизвика лавин...
Атанасов: СДСМ го партизира и депрофесионализира „... Владимир Атанасов од ВМРО-ДПМНЕ денеска во изјава за медиумите запраша кој е квалитетот на Стојанче Павловски за да биде поставен за прв човек на „Тан...
Влатко Стефановски и Камерниот оркестар на Битола ... На фестивалот „Охридско лето“, на големата сцена „Долни Сарај“ вечер концерт ќе имаат Камерниот оркестар на Битола и нашиот најпознат гитарист Влатко ...