Зголемени расходи и број на смртни случаи од пушење до 2030 година

Зголемени расходи и број на смртни случаи од пушење до 2030 година

Трошоците на глобалната економија, поврзани со пушењето, ќе надминат еден билион долари годишно, а од цигарите животот ќе го загубат 30 отсто повеќе луѓе до 2030 година во споредба со досега, покажуваат резултатите од денеска објавеното истражување на Светската здравствена организација и американскиот Национален институт за борба против ракот.

Трошоците далеку ги надминуваат глобалните приходи од даноците за цигари, кои се проценети од СЗО на околу 269 милијарди долари во периодот 2013-2014 година.

– Бројот на смртни случаи, предизвикани од пушењето, се очекува да се зголеми од околу шест милиони годишно на околу осум милиони до 2030 година. Над 80 проценти од нив веројатно ќе бидат од земјите со ниски и средни доходи, се наведува во истражувањето.

Околу 80 отсто од пушачите живеат во земјите, каде вкупниот број на пушачи во светот се зголемува. Според здравствени експерти, пушењето е причина за најголем број смртни случаи во светот, кои би можеле да се спречат.

Истражувањето, во кое учествувале околу 70 научници, покажува дека „пушењето предизвикува околу еден билион долари трошоци годишно за здравје и загуби од намалено производство“.

Меѓу евтините и ефикасни начини за намалување на пушењето се зголемување на цените и акцизите на цигарите, целосна политика на ограничување на пушењето, целосна забрана на рекламите за тутунските производи и предупредувања за опасност на кутиите.

Поврзани вести

Нема докази дека кокосовото масло е поздраво од др... Иако кокосовото масло е добра замена за козметичките препарати, а некои тврдат дека неговите масти се подобри од другите заситени масни киселини, се ч...
Сонцето позитивно влијае на менталното здравје... Истражувачи од американскиот Универзитет „Бригам Јанг“ во Јута, испитувале како Сонцето во текот на денот, од изгрејсонце, до зајдисонце, влијае врз о...
Осум најголеми заблуди на пушачите... Данас - Белград Дури и тие кои се обидуваат да ги остават цигарите по своја волја повторно почнуваат да пушат само затоа што не ги сфатиле заблудит...
Често консумирање помфрит го зголемува ризикот од ... Начинот на кој се подготвува компирот многу влијае на човековото здравје. Лица кои јадат пржени компири два или повеќе пати во неделата, имаат пого...
Лекарите ги советуваат мајките по царскиот рез да ... Жените кои се породуваат со царски рез, потоа секојдневно треба да џвакаат гуми за џвакање, велат експерите. Многу жени по царскиот рез страдаат о...
Хранливи вредности со кои изобилуваат црешите... Црешите поседуваат многу хранливи вредности, поради тоа е препорачливо да се консумираат во големи количини. Во 100 грама цреши (без семка) има 13...