Дејвис: Целосно сме посветени на исполнување на зацртаните цели

Дејвис: Целосно сме посветени на исполнување на зацртаните цели

Женскиот македонски ракометен шампион Вардар денеска го имаше првиот заеднички собир по зимската пауза, а веќе во петок се заминува за Подгорица каде треба да настапат на првиот турнир од Регионалната ВРХЛ лига. Тренерот Давид Дејвис очекува сите ракометарки д аодговорат на поставените задачи.

На првата прозивка единствено ја немаше голманката Мајса Песоа која е „заглавена” на аеродромот во Истанбул, порадо лошото време. Сите други тренираат со екипата. Ина Суслина е се уште под специјален третман по операцијата што ја имаше лани. Во консултација со лекарскиот тим ќе се реши кога ќе почне созаеднички тренинзи со тимот. Засега со тимот тренира и Драгана Петковска за да го пополни местото меѓу стативите.

Уште на почетокот на турнирот во Подгорица вардарки се среќаваат со Будуќност, тим против кого треба да играат и во првото коло од главната фаза на Лигата на шампионите на крајот од месецов.

-Ние на секој меч влегуваме со еднаква мотивираност. Нема разлика дали е пријателски меч, натпревар од ВРХЛ лигата или пак лига на шампионите. Се подготвуваме сериозно и целосно посветени на исполнување на зацртаните цели за оваа сезона. Верувам дека и девојките се подготвени за она што ги очекува во следните месеци. Овие неколку дена ќе повториме од она што го игравме во есенскиот дел од сезоната. Има доволно време да бидеме подготвени за ЛШ, и сериозно го сфаќаме секој предизвик што е пред нас, вели Дејвис.

Иако имаше двонеделна пауза во тренирање, сите ракометарки имаа програма по која требаше да работат за да ја одржат формата. И сите се придржуваа кон тоа, па и без проблеми го издржаа и првиот напорен тренинг, додаде тренерот на Вардар.

Експедицијата на ЖРК Вардар в петок на пладне заминува за Подгорица.

Поврзани вести

Репрезентативката Бајрамовска следната сезона во д... Мирјета Бајрамовска, левиот бек на репрезентацијата на Македонија од следната сезона ќе биде дел од вице-шампионскиот тим на Европа, тимот на Вардар. ...
Почна третото издание на меѓународниот ракометен к... Откако пред два дена ја предводеше Македонија до нов пласман на ЕП капитенот на ракометната репрезентација на Македонија Кирил Лазаров од денеска е во...
ЕХФ одбра: Штербик, Дибиров, Чупиќ и Циндриќ меѓу ... Европската ракометна федерација по завршување на сезоната ги сумира резултатите и ги одбира најдобрите моменти. Меѓу највпечатливите моменти се и 30-т...
Македонија во вториот „шешир“ со Данска, Белорусиј... Ракометната репрезентација на Македонија е одредена да биде во вториот „шешир“ за извлекувањето на групите за Европското првенство во Хрватска заедно ...
Комплетиран списокот учесници на ЕП во ракомет... Со одигрувањето на натпреварите од последното 6.коло во групната фаза од квалификациите познати се сите 16 репрезентации кои ќе играат на 13. Европско...
Гонзалес: Игравме одлично во текот на целиот меч... Раул Гонзалес не го криеше задоволството од доминантната игра на македонските ракометари во синоќешниот убедлив триумф над Чешка со кој Македонија по ...