Почина Дарко Гашпаровиќ, истражувач на македонската култура и уметност

Почина Дарко Гашпаровиќ, истражувач на македонската култура и уметност

Вчера почина проф. д-р Дарко Гашпаровиќ еден од најголемите и најпознатите хрватски проучувачи и истражувачи на македонската култура и уметност. Гашпаровиќ беше професор на Универзитетот во Риека, а минатата година ја доби светската награда за хуманизам на Охридската академија на хуманизмот.

Со оваа награда тој се вброи во редот на врвните светски претставници на хуманистичката мисла кои ја добија оваа висока и престижна награда меѓу кои се и Солжењицин, Рави Шанкар, нобеловката Херта Милер и други.

По повод добивањето на ова високо признание, Издавачката куќа „Феникс“ ја објави книгата „Писмото низ вековите” од Дарко Гашпаровиќ во која тој прави пресек и се осврнува на Кирило-Методиевската традиција преку светите Климент и Наум.

Гашпаровиќ во овој научен труд се осврнува и задржува и на други пројави од македонската култура, а како автор е познат по своите стручни погледи и студии за водечките претставници на македонскиот театар – Коле Чашуле, Живко Чинго, Јордан Плевнеш, Слободан Унковски, Владо Цветановски, Дејан Пројковски и други.

Непосредно пред смртта излезе од печат книгата со есеи „Златно руно“ од Дарко Гашпаровиќ, кој беше член на Хрватското друштво на писателите и еден од водечките хрватски мислители и интелектуалци. Тој посебно се занимаваше со хрватско-македонските културни односи и врски.

Поврзани вести

Шести филмски фестивал „Watch out“ во Тетово... Шестото издание на меѓународниот филмски фестивал „Watch out“ од денеска до петок ќе се одржува во Тетово. За време на четирите фестивалски дена ќе се...
Објавена книгата „Пејач во кулата” на Урошевиќ во ... Книгата „Пејач во кулата” на поетот - академик Влада Урошевиќ е објавена во Москва, во издание на „Рудомино”. Изборот од сето досегашно поетско тво...
Хрватскиот писател Миљенко Јерговиќ добитник на на... Хрватскиот писател Миљенко Јерговиќ ќе биде петтиот добитник на наградата „Прозарт“ за авторски придонес во развојот на книжевноста на Балканот, што ...
Прв студентски поетски фестивал на Педагошкиот фак... По повод Денот на сесловенските просветители свети Кирил и Методиј, Педагошкиот факултет „Св. Климент Охридски“ во Скопје денеска организираше прв пое...
Во Белград патувачка изложба на македонски дизајн ... Под наслов „Помеѓу“ од 25 до 28 мај на меѓународниот фестивал „Миксер“ во Белград ќе биде претставена изложба на македонски дизајн составена од произ...
Продуцентката Џеки Шепард и актерот Коле Ангеловск... Од 26 до 30 јуни во Струмица ќе се одржи 13. издание на Интернационалниот филмски фестивал „Астерфест“ под мотото „Меѓу фактот и фикцијата“. Специјалн...